وەزارەتی دەرەوەی ئێران ڕایگەیاند ئێران وەڵامێکی "بنیاتنەرانەی" بۆ پێشنیارەکانی ئەمەریکا ناردووە کە ئامانج لێی زیندووکردنەوەی ڕێککەوتنی ئەتۆمی ساڵی 2015ی ئێرانە لەگەڵ زلهێزانی جیهان، ئەمەش بووەتە هۆی ئەوەی کە ئەمەریکا کاریگەرییەکی کەمتر ئەرێنی هەبێت.
ناسر کەنعانی، وتەبێژی وەزارەتی دەرەوە ڕۆژی هەینی لە پەخشی تەلەفزیۆنی دەوڵەت IRIBەوە بڵاویکردەوە "ئەو دەقەی کە لەلایەن ئێرانەوە نێردراوە، ڕێبازێکی بنیاتنەرانەی هەیە کە ئامانجی کۆتایی هێنانە بە دانوستانەکان."
بەڵام وەزارەتی دەرەوەی ئەمەریکا هەڵسەنگاندنێکی جیاوازی کرد.
وتەبێژی ئێران گوتی" دەتوانین پشتڕاستی بکەینەوە کە وەڵامی ئێرانمان لە ڕێگەی یەکێتی ئەوروپا وەرگرتووە. "ئێمە لێکۆڵینەوەی لەسەر دەکەین و لە ڕێگەی یەکێتی ئەوروپاوە وەڵام دەدەینەوە، بەڵام بەداخەوە بنیاتنەر نییە."
ئادرین واتسۆن، وتەبێژی ئەنجومەنی ئاسایشی نیشتمانی کۆشکی سپی ڕایگەیاند: لە چەند هەفتەی ڕابردوودا هەندێک لەو بۆشاییانە پڕکراونەتەوە بەڵام هەندێکی دیکەش هێشتا هەر ماونەتەوە.
لە ڕاپۆرتەكەی IRIBدا هاتووە، وەڵامی ئێران بۆ جۆزێپ بۆرێل، بەرپرسی سیاسەتی دەرەوەی یەكێتی ئەوروپا نێردراوە، كە ماوەیەكە هەماهەنگی دانوستانەكان دەكات. بەڵام هیچ وردەکارییەکی دیکەی نەخستەڕوو.
دوای 16 مانگ لە دانوستانی ناڕاستەوخۆی نێوان تاران و واشنتۆن، بۆرێل لە 8ی مانگی هەشتدا گوتی یەکێتی ئەوروپا ئۆفەرێکی کۆتایی بۆ تێپەڕاندنی چەقبەستوویی زیندووکردنەوەی ڕێککەوتنەکە داناوە.
وەزیری دەرەوەی ئێران پێویستی بە گەرەنتی بەهێزترە لە واشنتۆن بۆ زیندووبوونەوەی ڕێککەوتنی ئەتۆمی ساڵی 2015.
سەرچاوە: ڕۆیتەرز