Accessibility links

جەبار یاوەر: تا ئه‌م ساتە هیچ پێشبینیه‌ک نییه‌ كه‌ هه‌لومه‌رجی عێراق به‌ره‌و توندوتیژی و به‌كارهێنانی چه‌ک بڕوات


جەبار یاوەر

هەرچەندە بەشێک لە چاودێران پێیان وایە کە ڕەنگە دۆخی ئێستای عێراق و خۆپیشاندان و ناڕەزایەتییەکان سەربکێشێت بۆ پێکدادانی چەکداری، بەڵام فەریقی یەکەمی خانەنشین پسپۆڕ لە بوارەکانی سەربازی و ئەمنی بەدووری دەزانێت و دەڵێت" هه‌تا ئه‌م ساته‌ هیچ دیارده‌یه‌كی وانییه‌ كه‌ به‌ره‌و توندوتیژی و به‌ره‌و به‌كارهێنانی چه‌ک بڕوات، مه‌ترسیه‌كه‌ له‌وه‌دایه‌ ئه‌گه‌ر هێزه‌كانی سوپا یان هێزه‌كانی ناوخۆی عێراق ئه‌و هێزه‌ فه‌رمیانه‌ی عێراق بچنه‌ پاڵ لایه‌نێک له‌و دوولایه‌نه ناکۆکە، پشتیوانانی هه‌ردوولاش له‌ ده‌ره‌وه‌ی عێراق چ ئه‌وانه‌ی له‌لایه‌ن ئێرانه‌وه‌ پشتیوانی ده‌كرێن و چ ئه‌وانه‌ی له‌لایه‌ن ئه‌مه‌ریكا یان سعودییه‌ یان توركیا پشتیوانی ده‌كرێن لایه‌نه‌ ده‌ره‌كیه‌كان به‌رژه‌وه‌ندی یه‌كجار زۆر گه‌وره‌یان له‌عێراقدا هه‌یه‌، له‌به‌رئه‌وه‌یه‌ هه‌ردوولا نایانه‌وێت هه‌لومه‌رجه‌كه‌ به‌ره‌و شه‌ڕێكی خوێناویی ببه‌ن كه‌ نه‌زانن چی لێدێت له‌دواڕۆژدا وه‌كو ئه‌وه‌ی كه‌ له‌سوریا هه‌لومه‌رجه‌كه‌ به‌ره‌و شه‌ڕێكی خوێناویی ڕۆیشت به‌ڵام ئه‌و مه‌رامه‌ له‌و شه‌ڕه‌ خوێناوییه‌ نه‌گه‌یشته‌ ئه‌نجام، هاوکات ڕەتیشیدەکاتەوە کودەتای سەربازی لە عێراق ڕووبدات، لەو ڕووەوە یاوەر وتی" به‌پێی ئه‌و په‌یوه‌ندیانه‌ی من و ناسینی من بۆ زۆربه‌ی فه‌رمانده‌ باڵاكانی عێراق كه‌ پێشتر له‌كۆبوونه‌وه‌دا یان له‌یه‌كتر ناسیندا هیچ تێبینیه‌كم نه‌كردووه‌ كه‌ فه‌رمانده‌ باڵاكانی سوپای عێراق یان فه‌رمانده‌ باڵاكانی هێزه‌چه‌كداره‌كانی تری عێراق مه‌یلی ئه‌وه‌یان هه‌بێت كه‌ ده‌سه‌ڵات به‌ده‌سته‌وه‌ بگرن، هەروەها دەشڵێت"هه‌تا ئێستا كورد به‌هه‌موو لایه‌نه‌ سیاسیه‌كانیه‌وه‌ نه‌بوونه‌ لایه‌نێكی جددی له‌م ململانێیه‌ی ئێستا. "

" هه‌تا ئه‌م ساته‌ هیچ ئاماژەیه‌كی وانییه‌ كه‌ به‌ره‌و توندوتیژی و به‌ره‌و به‌،كارهێنانی چه‌ک بڕوات. "

لە سەرەتای قسەکانیدا، جەبار یاوەر ڕایگەیاند "وه‌كو ڕای تایبه‌تی خۆم و كه‌سێكی پسپۆڕ له‌ بواری سه‌ربازی و ئه‌منی، هه‌تا ئێستا هه‌موو هێزه‌كانی عێراق بێلایه‌نی خۆیان نیشانداوه‌ له‌مه‌سه‌له‌ی ئه‌و خۆپیشاندانانه‌ی كه‌ هه‌یه‌ تائێستا خۆپیشاندانێكی ئاشتیه‌ به‌هیچ شێوازێک توندوتیژی له‌خۆپیشاندانه‌كان نه‌بووه‌، ئه‌وانه‌ی له‌ناوهێزه‌ سه‌ربازییه‌كانن ئه‌وه‌ی من ئاگادارم و بینیوومه‌ له‌ سۆشیال میدیا ته‌نها دووكه‌س لایه‌نگیری خۆیان وه‌كو شێوازی فه‌رمی بۆ ئه‌و خۆپیشاندانانه‌ی كه‌ لایه‌نگرانی سه‌در كردوویانه‌ لایه‌نگری خۆیان پیشانداوه‌ یه‌كێكیان له‌ناو سوپا بووه‌ كه‌ پله‌ی فه‌ریق ڕووكن بووه،‌ ئه‌وه‌ی كه‌ بڵاوكرایه‌وه‌ یه‌كێكیان له‌ناو هێزه‌كانی ناوخۆ بووه‌ كه‌ پله‌كه‌ی لیوا بووه‌، هەروەها هه‌تا ئه‌م كاته‌ش فه‌رمانده‌ی هێزه‌ چه‌كداره‌كانی عێراق به‌ڕێز موسته‌فا كازمی سه‌رۆک وه‌زیرانی عێراق هه‌موو هێزه‌كانی خستۆته‌ حاڵه‌تی ئاماده‌باشی ته‌واوه‌وه‌، هه‌موو شه‌قامه‌ سه‌ره‌كیه‌كان و هه‌موو فرۆكه‌خانه‌كان هه‌موو باڵوێزخانه‌كان هه‌موو داموده‌زگاكانی تری حكومیان پاراستووه‌ به‌پێی ئه‌و ده‌نگوباسانه‌ی كه‌ هه‌یه‌، وه‌ هیچ كه‌سێک به‌شداری نه‌كردووه‌ له‌ مه‌سه‌له‌ی خۆپیشاندانی چه‌كداریی، جگە لەوە‌ هیچ دیارده‌یه‌كی چه‌كداریی به‌خۆپیشاندانه‌كانه‌وه‌ دیارنییه‌ هه‌ردوولا ئه‌وانه‌ی كه‌ لایه‌نگری سه‌درن و هه‌م ئه‌وانه‌ی لایه‌نگری چوارچێوه‌ی هه‌ماهه‌نگین لایه‌نه‌كانی تری شیعه‌ كه‌ دوێنێ ئه‌وانیش بانگه‌شه‌یانكردووه‌ ئاگاداری لایه‌نگرانی خۆیان ده‌كه‌ن كه‌ به‌هیچ شێوازێک نابێت كه‌س چه‌كی پێبێت و نابێت توندوتیژی به‌كاربهێنن ده‌بێت خۆپیشاندانه‌كان ئاشتیخوازانه‌ بێت."

وتیشی" یه‌ك ئه‌گه‌ر هه‌یه‌ ئه‌گه‌ر خوانه‌خواسته‌ ئه‌و خۆپیشانده‌رانه‌ی كه‌ له ‌دوولایه‌نی جیاوازی شیعه‌ن ئه‌گه‌ر توندوتیژیه‌ک دروستبوو له‌وێدا، چونكه‌ هه‌ردوولا هێزی چه‌كداریان هه‌یه‌ و هه‌ردوولا هێزی حه‌شدی شه‌عبیان هه‌یه‌ كه‌ لایه‌نگیریانه‌ كه‌ به‌شێكی زۆری ئه‌و چه‌كدارانه‌ له‌ناو هێزی چه‌كداره‌كانی عێراقدایه،‌ به‌ڵام هێشتا به‌شێكی ئه‌و هێزانه‌ نه‌چۆته‌ ژێر ڕكێفی فه‌رمانده‌یی هێزه‌كانی چه‌كداری عێراق به‌ڵام هه‌تا ئه‌م ساته‌ هیچ دیارده‌یه‌كی وانییه‌ كه‌ به‌ره‌و توندوتیژی و به‌ره‌و به‌،كارهێنانی چه‌ك بڕوات. "

" چ ئەمریکا، چ ئێران هەردوولا بەرژەوەندییان لە عێراقدا هەیە، لایه‌نه‌ ده‌ره‌كیه‌كان به‌رژه‌وه‌ندی یه‌كجار زۆر گه‌وره‌یان له‌عێراقدا هه‌یه‌"

به‌شێک له‌ چاودێره‌ سیاسیه‌كان پێیانوایه‌ ئه‌مه‌ شه‌ڕێكی سیاسی جه‌مسه‌ری شیعه‌ و سونه‌یه‌ یاخود له‌تبوونی ماڵی شیعه‌ یان ئه‌مه‌ریكا و ئێران كه‌ هه‌ندێک خوێندنه‌وه‌ی بۆ ده‌كه‌ن ئه‌گه‌ری هه‌یه‌ كه‌ عێراق ببێته‌ گۆڕه‌پانێكی خوێناویی له‌سه‌ر ئه‌م ململانێیانه‌ ئایا ململانێی ده‌وڵه‌تی سه‌رده‌كێشێت بۆئه‌وه‌ی عێراق ببێته‌ مه‌یدانی جه‌نگێكی چه‌كداریی له‌نێوان لایه‌نه‌كاندا هه‌ندێک ده‌ڵێن وه‌كو سوریای لێدێت ڕای به‌ڕێزتان چییه‌؟

بەڵام جەبار یاوەر بە دووری دەزانێت ئەو پێکدادانە جەمسەرییە ڕووبدات، لەو ڕووەوە یاوەر وتی" ئه‌وه‌ی كه‌ من ده‌یبینم هه‌موولایه‌ک به‌رژه‌وه‌ندی له‌عێراقدا هه‌یه‌ چ لایه‌نی له‌به‌ره‌ی ئێرانن چ لایه‌نی ئه‌وانه‌ی له ‌به‌ره‌ی ئه‌مه‌ریكان، واته‌ هه‌ردوولا به‌رژه‌وه‌ندی یه‌كجار زۆریان له‌عێراقدا هه‌یه‌ له‌به‌رئه‌وه‌ هه‌ردوولایان له‌ قازانجیان نییه‌ كه‌ هه‌لومه‌رجی عێراق به‌ره‌و شه‌ڕ ببه‌ن، چونكه‌ ئه‌و به‌رژه‌وه‌ندیانه‌ی كه‌ هه‌یانه‌ له‌عێراقدا له‌ده‌ستیان ده‌چێت من وایده‌بینم كه‌ هه‌ردوو ئه‌و لایه‌نه‌ سیاسیه‌ی كه‌ ئێستا ململانێی ده‌كه‌ن به‌تایبه‌تی له‌ناو شیعه‌ له‌عێرقدا لایه‌ک خه‌ریكی خۆپیشاندانه‌ و لایه‌نه‌كه‌ی تر داواده‌كات كه‌ خۆپیشاندان بكرێت هه‌تا ئێستا به‌یاننامه‌كانیان به‌ره‌و توندوتیژی نییه،‌ به‌ڵكو به‌ره ‌و خۆپیشاندانی ئاشتیه،‌ به‌ڵام هه‌ردوولا ده‌یانه‌وێت مه‌رامه‌ سیاسیه‌كانی خۆیان جێبه‌جێ بكەن پشتیوانانی هه‌ردوولاش له‌ ده‌ره‌وه‌ی عێراق چ ئه‌وانه‌ی له‌لایه‌ن ئێرانه‌وه‌ پشتیوانی ده‌كرێن و چ ئه‌وانه‌ی له‌لایه‌ن ئه‌مه‌ریكا یان سعودییه‌ یان توركیا پشتیوانی ده‌كرێن لایه‌نه‌ ده‌ره‌كیه‌كان به‌رژه‌وه‌ندی یه‌كجار زۆر گه‌وره‌یان له‌عێراقدا هه‌یه‌ له ‌هه‌موو بواره‌كان هه‌م له‌بواری ئابوریدا هه‌م له‌بواری ستراتیژی عێراق له‌ڕووی ناوچه‌ییه‌وه‌، له‌به‌رئه‌وه‌یه‌ هه‌ردوولا نایانه‌وێت هه‌لومه‌رجه‌كه‌ به‌ره‌و شه‌ڕێكی خوێناویی ببه‌ن كه‌ نه‌زانن چی لێدێت له‌دواڕۆژدا وه‌كو ئه‌وه‌ی كه‌ له‌سوریا هه‌لومه‌رجه‌كه‌ به‌ره‌و شه‌ڕێكی خوێناویی ڕۆیشت به‌ڵام ئه‌و مه‌رامه‌ له‌و شه‌ڕه‌ خوێناوییه‌ نه‌گه‌یشته‌ ئه‌نجام ئه‌وه‌بوو كه‌ ڕه‌نگه‌ لایه‌نێک ویستی حكومه‌تی سوریا نه‌مێنێت یان حكومه‌تی به‌شار نه‌مێنێت، به‌ڵام هه‌رمایه‌وه‌ له‌حوكم و دواتریش ناچاربوون كه‌ هه‌ر مامه‌ڵه‌ له‌گه‌ڵ ئه‌و ڕژێمه‌دا بكه‌ن له‌به‌رئه‌وه‌ نایانه‌وێت هه‌مان ئه‌و ئه‌زموونه‌ی له‌سوریا هه‌یه‌ دیسان دوباره‌ بێته‌وه‌ له‌عێراق چونكه‌ خۆیان زیانمه‌ند ده‌بن ئه‌و لایه‌نه‌ ده‌ره‌كیانه‌ كه‌ به‌رژه‌وه‌ندی زۆر گه‌وره‌یان هه‌یه‌ به‌هه‌موویانه‌وه‌ له‌عێراقدا نایانه‌وێت هه‌لومه‌رجه‌كه‌ به‌ره‌و خوێناوی به‌رن هه‌موو ئه‌وانه‌ی كه‌ به‌رژه‌وه‌ندیان له‌عێراقدا هه‌یه‌ لایه‌نه‌ ده‌ره‌كیه‌كان هه‌وڵده‌ده‌ن هه‌لومه‌رجه‌كه‌ هێوربكه‌نه‌وه،‌ به‌ڵام هه‌رلایه‌ک ده‌یه‌وێت ئه‌و لایه‌نانه‌ی كه‌ پشتیوانی ده‌كات له‌سه‌ر گۆڕه‌پانی ململانێی سیاسی له‌عێراقدا ئه‌وان بگه‌نه‌ ئامانج. "

" هه‌تا ئه‌م ده‌قیقه‌یه‌ هیچ پێشبینیه‌ک نییه‌ كه‌ هه‌لومه‌رجی عێراق به‌ره‌و ئه‌و ئاراسته‌ خوێناویه‌دا بڕوات "

جەبار یاوەر جەختیکردەوە" هه‌تا ئه‌م ده‌قیقه‌یه‌ هیچ پێشبینیه‌ک نییه‌ كه‌ هه‌لومه‌رجی عێراق به‌ره‌و ئه‌و ئاراسته‌ خوێناویه‌دا (سوریا) بڕوات، به‌ڵام ئه‌گه‌رێكیش هه‌یه‌، خۆ شه‌ڕی جیهانی به‌ته‌قاندی یه‌ک گوله‌ یه‌ك كه‌س كوژراو دواتر بوویه‌ شه‌ڕێكی جیهانی زۆر گه‌وره‌ كه‌ چه‌ند ساڵێک كۆتایی نه‌هات له‌به‌رئه‌وه‌ تا ئێستا ئاماژەکان ئه‌وه‌ نین كه‌ هه‌لومه‌رجی عێراق به‌ره‌و شه‌ڕێكی خوێناویی بڕوات. "

" مه‌ترسیه‌كه‌ له‌وه‌دایه‌ ئه‌گه‌ر هێزه‌كانی سوپا یان هێزه‌كانی ناوخۆی عێراق ئه‌و هێزه‌ فه‌رمیانه‌ی عێراق بچنه‌ پاڵ لایه‌نێک له‌و دوولایه‌نه "

لە وەڵامی ئەو سەرنجەی، دەوترێت گروپه‌ شیعه‌كان خاوه‌نی هێزی چه‌كدارن چ موقتەدا سه‌در چ مالیكی له‌و ده‌نگۆیانه‌ی بڵاوده‌بێته‌وه‌ له‌و تۆماره‌ ده‌نگیانه‌ی كه‌ باس له‌وه‌ ده‌كرێت ئه‌وه‌ مالیكیه‌ به‌ئاشكرا باسی ئه‌وه‌ ده‌كات كه‌ هێرشی چه‌كداریی یان شه‌هیدبوون له‌نوێترین لێدوانیدا ئه‌مانه‌ هه‌تاچه‌ند مه‌ترسیداره‌ له‌لایه‌ن لایه‌نه‌ ناكۆكه‌كانی عێراقه‌وه‌ چه‌ند مه‌ترسیداره‌ به‌وه‌ی كه‌ شه‌ڕی ناوخۆ له‌عێراقدا دروست ببێت؟

ئەو پسپۆڕە سەربازی و ئەمنیە (جەبار یاوەر) دەڵێت" ترسناكی له‌وه‌دایه‌ ئه‌گه‌ر له‌ناو سوپای عێراق یان له‌ناو هێزه‌كانی ناوخۆیی عێراق وه‌كو هێزه‌كانی پۆلیس و پۆلیسی فیدڕاڵی و هێزه‌كانی سوپای عێراق و دژه‌تیرۆری عێراق بێت، چونكه‌ عێراق هێزێكی یه‌كجار زۆر گه‌وره‌ی هه‌یه‌ واته‌ هێزی عێراق به‌هه‌موو پۆله‌كانیه‌وه‌ نزیكه‌ی ملیۆنێک چه‌كدار هه‌یه‌ له‌عێراقدا هێشتا كۆنترۆڵی فه‌رمانده‌یی ئه‌و هێزه‌ له‌ده‌ست نه‌چووه‌، واته‌ هێشتا هێزه‌ گه‌وره‌كه‌ی عێراق له‌ژێر كۆنترۆڵدایه‌ نه‌بۆته‌ به‌شێک له‌و دوولایه‌نه‌ ناكۆكه‌ له‌به‌رئه‌وه‌ ئه‌وان ده‌یانه‌وێت هه‌لومه‌رجی عێراق به‌گشتی بپارێزن، مه‌ترسیه‌كه‌ له‌وه‌دایه‌ ئه‌گه‌ر هێزه‌كانی سوپا یان هێزه‌كانی ناوخۆی عێراق ئه‌و هێزه‌ فه‌رمیانه‌ی عێراق بچنه‌ پاڵ لایه‌نێک له‌و دوولایه‌نه‌ یان دابه‌ش ببن به‌سه‌ر هه‌ردوولایه‌ن ئێستا ته‌نها ناكۆكی له‌نێوان ئه‌و هێزه‌ چه‌كدارانه‌ی كه‌ نه‌هاتوونه‌ته‌ ژێر ڕكێفی فه‌رمانده‌یی هێزه‌ چه‌كداره‌كانی عێراق چونكه‌ هێزێكی زۆر گه‌وره‌ی حه‌شدی شه‌عبی هه‌یه‌ ئێستا له ‌ژێر ڕكێفی فه‌رمانده‌یی هێزه‌چه‌كداره‌كانی عێراقه‌ ئه‌وانه‌ ناتوانن هیچ كارێک ئه‌نجام بده‌ن مه‌گه‌ر فه‌رمان وه‌ربگرن له‌فه‌رمانده‌یی خۆیان، به‌ڵام هه‌ندێک گروپی چه‌كداریی هه‌یه‌ له ‌ده‌ره‌وه‌ی ئه‌وانن ئه‌وانه‌ مه‌ترسیدارن ئه‌گه‌ر توشی پێكدادان ببن یان زۆرجار هه‌یه‌ عه‌شیره‌ته‌كان ئێستا باس له‌وه‌ده‌كرێت چ عه‌شیره‌تێک لایه‌نگری سه‌در ده‌كات و چ عه‌شیره‌تێک لایه‌نگیری لایه‌نه‌كانی تری چوارچێوه‌ی هه‌ماهه‌نگی ده‌كات، چونكه‌ ئه‌و عه‌شیره‌تانه‌ش هه‌موویان چه‌كدارن واته‌ ئه‌وه‌یه‌ ئه‌گه‌ر ترسی پێكدادان هه‌بێت له‌ نێوان ئه‌و گروپانه‌دا هه‌بێت یان ئه‌و خه‌ڵكه‌ی عه‌شیره‌ته‌كانن كه‌ لایه‌نگری هه‌ردوولا ده‌كه‌ن، به‌ڵام مه‌ترسیه‌ گه‌وره‌كه‌ ئه‌وه‌یه‌ ئه‌گه‌ر سوپا لایه‌نگری بكات و دابه‌ش ببێت یان هێزه‌كانی ناوخۆ، به‌ڵام هه‌تا ئێستا هه‌موو هێزه ‌چه‌كداره‌كانی عێراق هێشتا لایه‌نگیری هیچ لایه‌نێكی ئه‌و دوو به‌ره‌یه‌ نین، هه‌وڵده‌ده‌ن كۆنترۆڵی ئاسایشی هه‌لومه‌رجه‌كه‌ بكه‌ن ڕه‌نگه‌ هه‌لومه‌رجه‌كه‌ زۆرجار وابڕوات هه‌ندێک له‌و هێزه‌ بچووكه‌ له‌و گروپی هێزانه‌ تووشی پێكدادان ببن له‌گه‌ڵ یه‌كتریدا هه‌رچه‌ند هه‌ردوولا نایانه‌وێت ده‌ست بۆ چه‌ک ببه‌ن، به‌ڵام هێشتا عێراق پارێزراوه‌ له‌وه‌ی هێزه‌ چه‌كداره‌كانی به‌شێک بن له‌و ململانێیه‌ی كه‌ هه‌یه‌. "

" به‌ڕاستی ئه‌و ئه‌گه‌ره‌ به ‌دوور ده‌بینم كوده‌تای سه‌ربازی ڕووبدات "

لەگەڵ ئەوەی هه‌ندێک له‌ چاودێران پێشبینی ئه‌وه‌ش ده‌كه‌ن ئه‌گه‌ری ئه‌وه‌ هه‌یه‌ كه‌ عێراق ڕووبه‌ڕووی كوده‌تای سه‌ربازیی ببێته‌وه‌،‌ ئایا هه‌تاچه‌ند ئه‌گه‌ر كوده‌تای سه‌ربازیی هه‌یه‌ له‌عێراقدا؟
بەڵام فەریقی یەکەمی خانەنشین پسپۆڕ لە بوارەکانی سەربازی و ئەمنی بۆچونی پێچەوانەی هەیە، لەو ڕووەوە جەبار یاوەر دەڵێت" به‌پێی ئه‌و په‌یوه‌ندیانه‌ی من و ناسینی من بۆ زۆربه‌ی فه‌رمانده‌ باڵاكانی عێراق كه‌ پێشتر له‌كۆبوونه‌وه‌دا یان له‌یه‌كتر ناسیندا هیچ تێبینیه‌كم نه‌كردووه‌ كه‌ فه‌رمانده‌ باڵاكانی سوپای عێراق یان فه‌رمانده‌ باڵاكانی هێزه‌چه‌كداره‌كانی تری عێراق مه‌یلی ئه‌وه‌یان هه‌بێت كه‌ ده‌سه‌ڵات به‌ده‌سته‌وه‌ بگرن، ئه‌گه‌ر هه‌لومه‌رجێكی وا ڕوویدا له‌عێراقدا له‌به‌رئه‌وه‌ به‌ڕاستی ئه‌و ئه‌گه‌ره‌ به ‌دوور ده‌بینم كوده‌تای سه‌ربازی ڕووبدات، چونكه‌ وه‌كو باسمكرد له ‌ماوه‌ی دوایدا عێراق هه‌وڵیداوه‌ هێزه ‌چه‌كداره‌كانی بێلایه‌ن بكات، له‌ زۆربه‌ی خۆپیشاندانه‌كان كه‌ له‌عێراقدا كرا و له‌زۆربه‌ی ئه‌و ململانێیه‌ توندوتیژیانه‌ی كه‌ له ‌عێراقدا بوون به‌رده‌وام هێزی چه‌كدار هێزی بێلایه‌ن بووه‌ واته‌ هه‌وڵیداوه‌ خۆپیشانده‌ران بپارێزێت، له‌هه‌ر لایه‌نێک بووبن چ له‌لایه‌نی سوننه‌ بووبن یان چ له‌لایه‌نی شیعه‌ بووبن له‌ لایه‌نگرانی سه‌دربن یان ئه‌وانه‌ی چوارچێوه‌ی هه‌ماهه‌نگی ئێستاش فه‌رمانده‌ی هێزه‌چه‌كداره‌كانی عێراق به‌رده‌وام به‌یاننامه‌ ده‌رده‌كات كه‌ نابێت به‌هیچ شێوازێک هیچ جۆره‌ چه‌كێک به‌كارنه‌هێنن ته‌نانه‌ت ده‌ڵێت گولله‌ی لاستیكیش به‌كارنه‌هێنن به‌رامبه‌ر به‌خۆپیشانده‌ران، واته‌ هێزی چه‌كدار ئه‌و دیارده‌یه‌ی تیا نه‌بینراوه‌ كه‌ میحوه‌رێكی گه‌وره‌ی تێدابێت كه‌ بیه‌وێت ده‌سه‌ڵات بگرێته‌ده‌ست، ئه‌وه‌ی كه‌ من تێكه‌ڵاویم هه‌بووه‌ له‌گه‌ڵ زۆربه‌ی فه‌رمانده‌ گه‌وره‌كانی سوپای عێراقدا دیاره‌ "به‌ڕێز كازمیش" كه‌ بۆخۆی فه‌رمانده‌ی هێزه‌چه‌كداره‌كانی عێراقه‌ ئه‌ویش هه‌وڵده‌دات به‌هه‌موو توانای خۆی هه‌لومه‌رجه‌كه‌ هێوربكاته‌وه‌ . "

" هه‌تا ئێستا كورد به‌هه‌موو لایه‌نه‌ سیاسیه‌كانیه‌وه‌ نه‌بوونه‌ لایه‌نێكی جددی له‌م ململانێیه‌ی ئێستا "
به‌ ڕای تۆ له ‌ئه‌گه‌ری ڕوودانی پێكدادانی چه‌كداریی قوڵبوونه‌وه‌ی كێشه‌كان له‌ عێراقدا هه‌تا چه‌ند ئه‌گه‌ری ئه‌وه‌ هه‌یه‌ كه‌ گروپه‌ چه‌كداره‌ شیعه‌كان تۆڵه‌ له‌هه‌رێمی كوردستان بكه‌نه‌وه‌ له‌سه‌ر بنه‌مای ئەو قسەیە‌ی دكتۆر به‌شیر حه‌داد ڕایگه‌یاند"‌ پێشتر بینیومانه‌ به‌ درۆن هێرش كراوه‌ته‌سه‌ر چه‌ند ناوچه‌یه‌كی هه‌رێمی كوردستان له‌لایه‌ن گروپه‌ شیعه‌كانه‌وه‌ وه‌كو په‌یامی هۆشداری ئێستاش لایه‌نی كوردیی به‌به‌شێک له‌ په‌رته‌وازه‌یی ده‌بینم به‌و پێیه‌ی كه‌ لایه‌نه‌ كوردییه‌كان دابه‌شبوون به‌سه‌ر هه‌ردوو به‌ره‌ ناكۆكانی شیعه‌دا به ‌ڕای تۆ ئه‌مه‌ ڕووده‌دات كه‌ گروپه‌ چه‌كداره‌ شیعه‌كان هێرش بكه‌نه‌ سه‌ر هه‌رێمی كوردستان له‌حاڵه‌تی ڕوودانی هه‌ر پێكدادانێكی چەکداری له ‌عێراق؟

لە وەڵامدا جەبار یاوەر وتی" له‌و بڕوایه‌دا نیم شتێكی واگه‌وره‌ دروست ببێت ئه‌مڕۆش له‌ سۆشیال میدیا بڵاوكرایه‌وه‌ كه‌ گوایه‌ سه‌ربازگه‌یه‌كی توركیا هێرشی كراوه‌ته‌سه‌ر به‌هۆی گوله‌ تۆپه‌وه‌، به‌ڵام باوه‌ڕناكه‌م له‌م هه‌لومه‌رجه‌ی ململانێیه‌ سیاسیه‌ تونده‌ی نێوان لایه‌نه‌ شیعیه‌كان كه‌ ئه‌وان بێن تۆڵه‌ له‌هه‌رێمی كوردستان بكه‌نه‌وه،‌ چونكه‌ هه‌تا ئێستا هیچ دیارده‌یه‌كی وا نییه‌ ته‌نانه‌ت هیچ لێدوانێک یان به‌یاننامه‌یه‌كی هیچ لایه‌نێكی شیعی نییه‌ دژی هه‌رێمی كوردستان هه‌موو ئه‌و لایه‌نانه‌ی كه‌ ئێستا دژبه‌یه‌كن پێشوازی ده‌كه‌ن له‌و لێدوانانه‌ یان بانگه‌وازانه‌ی كه‌ له‌هه‌رێمی كوردستانه‌وه‌ ده‌درێت وه‌كو ئه‌وه‌ی "به‌ڕێز جه‌نابی كاك نێچیره‌ڤان "وتی هه‌رێمی كوردستان ئاماده‌یه‌ ئه‌گه‌ر بێن لێره‌ گفتوگۆ بكه‌ن زۆر به‌شتێكی ئیجابی وه‌رگیرا له‌لایه‌ن لایه‌نه‌ شیعیه‌كانه‌وه‌" كه‌ ئه‌وه‌ ده‌ستپێشخه‌ریه‌كی زۆر باشه‌ هه‌تا ئێستا كورد به‌هه‌موو لایه‌نه‌ سیاسیه‌كانیه‌وه‌ نه‌بوونه‌ لایه‌نێكی جددی له‌م ململانێیه‌ی ئێستا ڕاسته‌ پێشتر دابه‌شبوون به‌سه‌ر ئه‌و كوتلانه‌ی كه‌ له‌عێراقدا هه‌یه‌ بۆمه‌به‌ستی چۆنیه‌تی پێكهێنانی حكومه‌تی عێراق به‌گشتی له‌ئاینده‌دا، به‌ڵام ئێستا له‌ ململانیه‌كانی كه‌ له‌گۆڕه‌پانه‌كه‌دا هه‌یه‌ كورد نه‌بۆته‌ لایه‌نێک له‌و ململانێیه‌ به‌ڵكو كورد ده‌یه‌وێت ئه‌و ململانێیه‌ هێوربكاته‌وه‌ به‌پێی لێدوانه‌كان و به‌یاننامه‌كانی هه‌رێمی كوردستان، واته‌ نه‌بۆته‌ لایه‌نێكی جددی له‌به‌رئه‌وه‌ باوه‌ڕناكه‌م شوێنه‌وارێكی زۆر گه‌وره‌ی سلبی هه‌بێت له‌لایه‌ن ئه‌و گروپانه‌وه‌ به‌سه‌ر هه‌رێمی كوردستانه‌وه‌. "

please wait

No media source currently available

0:00 0:14:51 0:00

XS
SM
MD
LG