بەرپرسێکی پەرلەمانی ئەڵمانیا لە تویتەر گوتی سەرۆکی پەرلەمانی ئەڵمانیا بایربێل باس ڕۆژی یەکشەممە گەیشتە کیێڤی پایتەختی ئۆکرانیا بۆ یادکردنەوەی قوربانیانی جەنگی دووەمی جیهانی، و هەروەها بۆ ئەنجامدانی گفتوگۆی سیاسی لەگەڵ بەرپرسانی ئەو وڵاتەدا.
ئینریکۆ بریسا، سەرۆکی پرۆتۆکۆلی بوندێستاگ، لە تویتەردا گوتی بایربێل باس بە شەمەندەفەرێک گەیشتۆتە کیێڤ، و سەرەتا چاوی بە سەرۆک وەزیرانی دێنینس شمیاڵ کەوتبوو، لە پاشاندا لەگەڵ سەرۆک ڤلادیمێر زێلێنسکی و چەند بەرپرسێکی باڵای ئۆکرانیا کۆبۆوە.
سەرچاوە: ڕۆیتەرز