رێکخراوێکی نەتەوە یەکگرتووەکان و هێزەکانی بەرگری شارستانی هەیتی رادەگەیەنن ماوەی دوو هەفتەیە شەڕ لە نێوان گروپە چەتەکانی پۆرت ئۆ پرنسی پایتەختی وڵاتەکە ڕوویداوە و بووەتە هۆی کوژرانی دەیان کەس و ئاوەرەبوونی هەزاران خێزان.
گروپێک بەناوی چێن میچان و 400 چەتەی ماوزۆ، ئەوانەی کە ساڵی ڕابردوو گروپێکی بانگوازی کرستیانی ئەمەریکی و کەنەداییان رفاند، شەڕیان دژی یەکدی لەسەر خاک هەڵگیرساندووە، پشێوییەکی زۆریان لە نێو پایتەخت و دەوروبەری دروستکردووە.
شەرەکە لە 24-04 ەوە دەستیپێکردووە بووەتە هۆی کوژرانی لانیکەم 39 کەس.
ئۆفیسی مرۆیی نەتەوە یەکگرتووەکان و بەرگری شارستانی وڵاتەکە لە راپۆرتێکی هاوبەشدا رۆژی پێنجشەممە رایانگەیاند کە "لانیکەم 23 ماڵ بەتەواوی سوتاون و 48 قوتابخانە و پێنج سەنتەری پزیشکی و هەشت مارکێت ناچاربوون دابخرێن."
پێکدادانەکان بوونەتە هۆی برینداربوونی 68 کەس و لەکارکەوتنی وێستەگەیەکی بەنزینی وڵاتەکە و کەمبوونی بەنزین. بەگوێرەی راپۆرتەکە، نزیکەی 9 هەزار کەس ناچاربوون ماڵەکانیان بەجێبهێڵن.