Accessibility links

نادیە موراد لە نەتەوە یەکگرتووەکان، پرۆژەیەک بۆ پشتیوانی لە قوربانیانی دەستدرێژی سێکسی ڕادەگەیەنێت


نادیە موراد، خاوەنی خەڵاتی نۆبڵ بۆ ئاشتی

نادیە موراد چالاکوانی مافەکانی مرۆڤ ڕۆژی چوارشەممە لە نەتەوە یەکگرتووەکان پرۆژەیەکی جیهانی دەستپێکرد لەسەر ئەوەی چۆن بە سەلامەتی و کاریگەرانە بەڵگە لە ڕزگاربووان و گەواهدەرانی توندوتیژی سێکسی لە ململانێکاندا کۆبکرێتەوە.

نادیە موراد کە بەهۆی هەوڵەکانی بۆ کۆتاییهێنان بە دەستدرێژی سێکسی وەکو چەکێکی شەڕ لە ساڵی 2018داخەڵاتی نۆبڵی بۆ ئاشتی پێبەخشرا ، یەکەم جار لە ساڵی 2015 کاتێک کە تەمەنی 22 ساڵان بوو لە نەتەوە یەکگرتووەکان وتارێکی پێشکەشکرد و لەو وتارەیدا باسی لەو ئەشکەنجە و دەستدرێژییە سێکسیانە کرد کە لە دەمی ژێردەستەیی داعشدا ساڵێک پێش ئەوە ڕووبەڕووی بوبۆوە.

لە ژێر ناوی یاسای کۆدی موراد، ڕێنماییە نوییەکە بە پشتیوانی دارایی بەریتانیا بە دەستپێشخەری نادیە و پەیمانگای لێکۆڵینەوەی تاوانی نێودەوڵەتی پەرەی پێدرا بە مەبەستی کەمکردنەوەی مەترسی زیاتری ئازاری دەرونی بۆ ڕزگاربوان کاتێک بەڵگە دەخەنەڕوو.

موراد لە پرۆژەکەیدا تیشکی خستە سەر دەستگیرکردن و دەستدرێژیکردنە سەر هەزاران کچ و ژنی ئێزدی کە لە ساڵی 12014دا لەلایەن چەکدارانی داعشەوە ڕفێندران و کران بە کۆیلەی سێکسی ئەو گوتی " کۆدی موراد ڕێنماییەکی ڕوون دادەنێت بۆ تیشکخستنە سەر پێداویستییەکانی ڕزگاربوان کاتێک بەڵگە کۆدەکرێتەوە، و مسۆگەرکردنی ئەوەی ئەوان پشتیوانیان لێبکرێت و دادپەوەرییان بۆ بەدیبێت لەبری ئەوەی ڕووبەڕووی هەلومەرج ببنەوە. ڕزگاربوان بەلایەنی کەم شایستەی ئەمەن."

ئەم ڕاگەیاندنە لە کاتێکدا هاتووە کە نەتەوە یەکگرتووەکان بە شێوەیەکی زۆر دەستدرێژی سێکسی و توندوتیژی سێکسی لە ئۆکرانیا دەبیستێت و لە کاتێکیشدایە گروپەکانی مافەکانی مرۆڤی ئۆکرانیا سەربازانی ڕووسیا تۆمەتباردەکەن بۆ بەکارهێنانی دەستدرێژی سێکسی وەکو ئامرازێکی شەڕ. لەو کاتەوەی هێرشە داگیرکارییەکانی ڕووسیا لە 24 ی مانگی دووەوە لە ئۆکرانیا دەستپێکردووە ڕووسیا نکوڵی لەوە کردووە هێرشی کردبێتە سەر خەڵکی سیڤیل.

وەزیری دەرەوەی بەریتانیا لیز ترەس لە بەیاننامەیەکدا ڕایگەیاند " من شۆک بووم بە زیادبوونی ژمارەی ڕاپۆرتەکانی توندوتیژی سێکسی لەلایەن هێزەکانی ڕوسیاوە کە لە ناوکۆکییەکانی ئۆکرانیاوە دێن." ئەو کۆدی مورادی بە " هەنگاوێکی گرنگ" وەسف کرد بۆ پشتیوانی کردن لە قوربانیان و دادگاییکردنی ئەنجامدەرانی ئەو تاوانانە.

نادیە موراد، خاوەنی خەڵاتی نۆبڵ بۆ ئاشتی لەگەڵ پارێزەری مافەکانی مرۆڤ ئەمەل کلونی لە کۆبونەوەیەکی ئەنجومەنی ئاسایشی نەتەوە یەکگرتووەکان، 23 ی مانگی چواری ساڵی 2019
نادیە موراد، خاوەنی خەڵاتی نۆبڵ بۆ ئاشتی لەگەڵ پارێزەری مافەکانی مرۆڤ ئەمەل کلونی لە کۆبونەوەیەکی ئەنجومەنی ئاسایشی نەتەوە یەکگرتووەکان، 23 ی مانگی چواری ساڵی 2019

موراد لەگەڵ پارێزەری مافەکانی مرۆڤ ئەمەل کلۆنیدا کاری کردووە بۆ لۆبیکردنی لە ئەنجومەنی ئاسایش بۆ دامەزراندنی تیمێکی لێکۆڵینەوەی نەتەوە یەکگرتووەکان بۆ کۆکردنەوە، پاراستن و هەڵگرتنی بەڵگەکانی ئەو کردەوانەی دەوڵەتی ئیسلامی کە لەوانەیەبچێتە خانەی تاوانەکانی جەنگ، تاوانی دژ بە مرۆڤایەتی و جینۆساید لە عێراق ئەنجامی دا.

XS
SM
MD
LG