دوو پەرستار لە ناوچەی لۆنگ ئایلەندی شاری نیویۆرک دەستگیرکراون بەتۆمەتی فرۆشتنی کارتی ساختەی ڤاکسین و دەگوترێت ملیۆن ونیوێک دۆلاریان پەیداکردووە.
دەسەڵاتدارانی نیویۆرک رایانگەیاند کە جولیا دێڤونۆ، خاوەنی سەنتەرێکی چاودێری تەندروستی منداڵ و کارمەندێکی بەناوی ماریسا ئورارۆ تۆمەتبارکراون بە تاوانی ساختەکاری.
بەرپرسان دەڵێن ئەو دوو ژنە زانیارییە هەڵەکانیان خستۆتە ناو داتابەیسی فەرمی ڤاکسینکراوەکانەوە.
ئۆفیسی داواکاری گشتی ناوچەکە دەڵێت کە ئەو دوو ژنە بڕی 220 دۆلاریان وەرگرتووە بۆ هەر کارتێک کە بۆ کەسی پێگەیشتوو بووبێت و ٨٥ دۆلاریان بۆ منداڵان وەرگرتووە.
بەرپرسان دەڵێن لە ماڵی دێڤونۆدا بڕی 900 هەزار دۆلار پارەی کاش دەستی بەسەرداگیراوە.