هێرشێکی چەکداری کراوەتە سەر بەندیخانەی سەناعە لە شاری حەسەکە کە زیاتر لە 4 هەزار دەستگیراوی داعشی تێدایە.
سەرچاوەکان لە هێزەکانی ئاسایش بۆ دەنگی ئەمەریکایان ڕاگەیاند، لە ئاکامی هێرشەکە کە لە کاتژمێر 8:30 ی شەوی پـێنجشەممە کرا، 2 شەڕڤانی هێزەکانی سوریای دیموکرات برینداربوون.
بەرپرسێکی ڕاگەیاندنی هێزەکانی سوریای دیموکرات ئەو هەواڵانەی بە درۆخستەوە کە دەڵێن 20 چەکداری داعش هەڵهاتوون.
دەستبەجێ هێزەکانی سوریای دیموکرات گەمارۆی بەندیخانەکەیان دا و فڕۆکەکانی هاوپەیمانان گەیشتنە ئاسمانی ناوچەکە.
