سوپای پاسدارانی ئێران ڕۆژی هەینی ڕایگەیاند سێ کەسی کوشتووە کە دەستیان هەبووە لە هێرشێکی کوشندەی کە دوو ئەندامی سوپاکەیانی تێدا کوژرا لە سیستان – بەلوچستانی باشوری ڕۆژهەڵاتی وڵاتەکە.
لە 26 ی مانگی 12، سوپای پاسداران ڕایگەیاندبوو دوو ئەندامی لەو ئوستانەی نزیک سنووری پاکستان " لە پێکدادانێکدا لەگەڵ گروپێکی چەتەی چەکداردا" کوژراون، بەبێ ئەوەی زانیاری زیاتر بڵاو بکاتەوە.
ڕۆژی هەینی سوپاکە لە بەیاننامەیەکدا کە لە ماڵپەڕی سپا نیوز بڵاوکراوەتەوە دەڵێت لە ئۆپەراسیۆنێکی چاوەڕوان نەکراودا " ئەوانەی دەستیان هەبوو لەو تاوانە،کرانە ئامانج و کوژران".
بەبێ ئەوەی زانیاری ڕوون بخاتە ڕوو دەشڵێتگومانبارەکان کاریان لەسەر " تێکدانی ئاشتی و ئاسایشی دانیشتوان کردووە لە باشوری ڕۆژهەڵاتی وڵاتەکە."
ئوستانی سیتان-بەلوچستان دەکەوێتە سەر سنووری پاکستان و شوێنێکی سەرەکیی پێکدادانی نێوان هێزەکانی ئاسیشی ئێران و گروپە چەکدارەکانە.
ئەم پێکدادانانە زۆربەیجار لەگەڵ قاچاخچییەکان و هەروەها جوداخوازە کەمینە بەلوچەکان یان گروپە توندڕەوەکاندا ڕوودەدات.