Accessibility links

دکتۆر جەبار قادر: خراپی بەڕیوەبردنی هەرێم لەلایەن دەسەڵاتدارانیەوە دۆخەکەی بەم کارەستە گەیاندووە


چه‌ند رۆژێکه‌ خۆپیشاندانی ناره‌زایه‌تی چه‌ند شارو شارۆچکه‌یه‌کی هه‌رێمی کوردستانی گرتووه‌ته‌وه‌، به‌ تایبه‌تی شارو شارۆچکه‌کانی ئەو دەڤەرەی کە بە دەڤەری سه‌وز ناودێر دەکرێت. به‌هۆی توندوتیژی خۆپیشاندانه‌کان و به‌کارهێنانی فیشه‌کی زیندوو له‌ لایه‌ن هێزه‌ ئه‌منییه‌کانه‌وه،‌ چه‌ند خۆپیشانده‌رێک کوژراو و بریندار بوون، جگه‌ له برینداربوونی ئەندامی حزبە سیاسیەکان. هه‌روه‌ها زۆربه‌ی باره‌گای پارته‌ کوردییه‌کان له‌ لایه‌ن خۆپیشانده‌رانه‌وه‌ سوتاێنراون.

خۆپیشاندانه‌کان به‌هۆکاری قه‌یرانی ئابوری و شکستی سیاسه‌تی هه‌رێمه‌که‌وه‌ که‌وتووه‌ته‌وه‌، ماوه‌ی چه‌ند مانگێکه‌ نه‌یان توانیوه‌ موچه‌ی فه‌رمانبه‌ران بده‌ن و دۆخێکی نه‌خوازراوی دروست کردووه‌، له‌م وتوێژه‌دا له‌گه‌ڵ دەنگی ئەمەریکا دکتۆر جەبار قادر پسپۆڕ لە کاروباری سیاسەتی ڕۆژهەڵاتی ناوەڕاست دەڵێت "ئەو سیاسەتەی کە دەسەڵاتداران و حوکمڕانانی هەرێم بە درێژایی سی ساڵی رابردوو لە هەموو جومگە و بوارەکانی بەڕیوەبردنی هەرێمەکە پیادەیان کردوە ، هەڵەبوون و ئێستاش گه‌یشتووه‌ به‌ بنبه‌ست".

ئه‌م کابینه‌یه‌ی حکومه‌تی هه‌رێم دروشمی چاکسازی به‌رز کردبۆوه‌، به‌ بڕوای ئه‌م شیکه‌ره‌وه‌یه‌، هه‌رێمی کوردستان ناتوانن چاکسازی ریشه‌یی بکات و ده‌شڵێت "نه‌ده‌یه‌وێ و نه‌ده‌شتوانێت چاکسازی بکات، ئه‌وه‌ی تا ئێستا کردوویه‌تی پینه‌و په‌ڕۆ بووه‌ نه‌وه‌کو چاکسازی، چونکه‌ چاکسازی بنه‌ڕه‌تی جیاوازه‌ له‌گه‌ڵ شێوازی حوکمڕانیان ."

دەقی وتووێژەکەی سمکۆ عەزیز لەگەڵ دکتۆر جەبار قادر

please wait
Embed

No media source currently available

0:00 0:06:18 0:00


XS
SM
MD
LG