Accessibility links

یەکێتی ئەوروپا سزای کاربەدەستانی ڕوسیایی دەدات


وەزیرانی دەرەوەی یەکێتی ئەوروپا لە وتوویژدان سەبارەت بە ئەگەر و نەگەری سەپاندنی سزا بەسەر کاربەدەستانی ڕوسیایی و هەروەها ئەو دامەزراوانەی لۆمەی ژەهراوی کردنی ئەلێکسی ناڤالنی خراوەتە ئەستۆ.

ئەو ژەهرەی بەکارهێنرابوو، دەگەڕێتەوە بۆ ژەهرێکی سەروەختی یەکێتی سۆڤیەتی پێشوو.

وەزیرانی دەرەوەی یەکێتی ئەوروپا ئەمڕۆ دووشەممە لە لوکسمبۆرگ کۆبوونەتەوە و تاووتوێی پێشنیازێکی هاوبەشی فەڕەنسا و ئەڵمانیایان کردووە بۆ سڕ کردنی سامانەکانی هەموو ئەوانەی گومانی ئەو ژەهراوی کردنەیان لەسەرە و هەروەهاش قەدەغەکردنی هاتوچۆیان بۆ وڵاتانی ئەوروپا.
پێشنیازەکەی پاریس و بەرلین لەسەر بنچینەی بەرەنگاربوونەوەی بەکارهێنان و بڵاوکردنەوەی چەکی کیمیاییە.

ناڤالنی، دژەبەری سەرەکی ڤلادمیر پوتن، سەرۆکی ڕوسیایە و ڕۆژی 20ی مانگی هەشت هەستی بە نەخۆشی دەکرد کاتێک بە فڕۆکە لە گەشتێکی ناوخۆیی ڕوسیادا بوو، دواتر بە فڕۆکە گەیەندرایە ئەڵمانیا و چارەسەری تەندروستی بۆ کراوە و ئێستاش لە پرۆسەی چاکبوونەوەدایە.

لە هەفتەی ڕابردوودا، ڕێکخراوی قەدەغەکردنی چەکی کیمیایی، پشتڕاستی کردەوە ناڤالنی بە ژەهری نۆڤیچۆک کە کاریگەری دەکاتە سەر دەمارەکان، ژەهراوی کراوە.

XS
SM
MD
LG