Accessibility links

دادگای پێداچونەوەی ئەڵمانیا داوای تاوانبارێکی عێراقی ڕەت دەکاتەوە


دادگایەکی پێداچوونەوە لە ئەڵمانیا داوای تاوانبارێکی عێراقی ڕەتکردەوە.

ئەو پەنابەرە عێراقییە داوای کردووە پێداچوونەوە بەو بڕیارەی دادگادا بکرێت کە لەسەری دراوە بەهۆی دەستدرێژیکردنە سەر کچێکی تەمەن 14 ساڵی ئەڵمانیایی و دواتر کوشتنی کچەکە.

عەلی بەشار، بڕیاری 15 ساڵ زیندانیکردنی لەسەر درا بەبێ ئەوەی هیچ لێبوردنێک بیگرێتەوە.

پرۆسەی دادگاییکردنەکە 4 مانگی خایاند و پشێوییەکی بەرچاویشی بەدوای خۆیدا هێنا لە دۆسێی کۆچبەریدا لە ئەڵمانیا.

عەلی بەشار، لە مانگی 5ی ساڵی 2018 دا دەستدرێژی کردبووە سەر سوزانا فیڵدمان، دواتریش کوشتویەتی.

دوابەدوای ئەو تاوانە، عەلی و کەسوکارەکەیشی، لەناکاو دەستبەرداری داواکەیان بوون بۆ مافی پەنابەرێتی لە ئەڵمانیا. دواتر لەلایەن هێزە کوردیەکانەوە لە عێراق دەستگیر دەکرێت و دەدرێتە دەست پۆلیسی ئەڵمانیا و بۆ دادگاییکردن دەیگەڕێننەوە بۆ ئەڵمانیا.

بڕوا وایە لە مانگی 10ی ساڵی 2015دا عەلی بەشار گەیشتبێتە ئەڵمانیا.

دادگای پێداچونەوەی فێدراڵی ئەڵمانیا، بڕیاریدا هیچ پێداچونەوەیەک بە بڕیارەکەی 28 ی مانگی چواردا نەکاتەوە کە لەسەر عەلی بەشار دراوە.

XS
SM
MD
LG