Accessibility links

زەریف دەچێتە سوریا


وەزارەتی دەرەوەی ئێران ڕایدەگەیەنێت ڕۆژی دووشەممە موحەمەد جەواد زەریف لە دیمەشق لەگەڵ سەرۆکی سوریادا کۆدەبێتەوە.

ئەگەر ئەو کۆبوونەوەیە بکرێت، ئەوا دەبیتە یەکەم کۆبوونەوەی هەردوو گەورە کاربەدەستی ئێرانی و سوریایی لە ماوەی یەک ساڵدا. دواترین کۆبوونەوەی موحەمەد جەواد زەریف و بەشار ئەلئەسەد لە 16 ی چواری ساڵی 2019 بووە لە دیمەشق.

ئێران و هەروەها ڕوسیاش بە گەورەترین وڵاتی پشتیوانکاری سوریا دادەنرێن لەو شەڕەی ڕژێمی سوریا لە ساڵی 2011وە دژ بە ئۆپزسیۆنەکانی وڵاتەکەی دەیکات.

ئەم سەردانەی وەزیری دەرەوەی ئێران تەنها یەک ڕۆژ دەخایەنێت و وەک دەگوترێت بۆ باسکردنی پەیوەندی دوو لایەنەی ئێران و سوریا و دواترین پەرەسەندنەکانی شەڕی دژی تێرۆریزمە لە سوریادا.

بڕیارە زەریف لەگەڵ وەلید ئەلموعەلم، وەزیری دەرەوەی سوریاشدا کۆببێتەوە.

شەڕی ناوخۆی سوریا بۆتە مایەی کوژرانی زیاتر لە 380 هەزار کەس و هەروەها ئاوارەبوونی زیاتر لە نیوەی دانیشتوانی وڵاتەکە لەناو سوریا و لە دەرەوەی سوریاشدا.

XS
SM
MD
LG