Accessibility links

کۆشکی سپی کوشتنی کوڕەکەی ئوسامە بن لادن پشتڕاست ده‌کاته‌وه‌


کۆشکی سپی ڕۆژی شه‌ممه‌ ڕایگه‌یاند کوڕه‌که‌ی ئوسامه‌ بن لادنی دامه‌زرێنه‌ری ئه‌لقاعیده‌ له‌ ئۆپه‌راسیۆنێکی دژه‌ تیرۆرسمی ئه‌مه‌ریکا له‌ ناوچه‌کانی سنووری نێوان پاکستان و ئه‌فغانستان کوژراوه‌.

کۆشکی سپی له‌ به‌یاننامه‌یه‌کدا ڕایگه‌یاند " کوشتنی حه‌مزه‌ بن لادن نه‌ک ته‌نها توانای سه‌رکردایه‌تی گرنگ و په‌یوه‌ندی سیمبولی باوکی له‌ناو ئه‌لقاعیده‌ لاواز ده‌کات، به‌ڵکو چالاکییه‌ گرنگه‌کانی ئه‌و گروپه‌ش بنکۆڵ ده‌کات."

حه‌مزه‌ بن لادن له‌لایه‌ن کۆشکی سپی وه‌کو ئه‌ندامێکی باڵای ئه‌لقاعیده‌ ده‌ناسرا که‌ به‌رپرسیار بوو به‌رامبه‌ر " پلانداڕشتن و مامه‌ڵه‌کردن له‌گه‌ڵ چه‌ندین گروپی تیرۆرستی."

ژماره‌یه‌ک ڕاگه‌یاندنه‌کان سه‌ره‌تای ئه‌م هاوینه‌ ڕایانگه‌یاند که‌ حه‌مزه‌ دوو ساڵ له‌مه‌وبه‌ر کوژراوه‌، به‌ڵام هه‌تا ڕۆژی شه‌ممه‌ له‌لایه‌ن به‌ڕێوه‌به‌رایه‌تی دانۆڵد ترامپه‌وه‌ پشتڕاست نه‌کرایه‌وه‌.

بڕواده‌کرێت حه‌مزه‌ بن لادن له‌ 30 ساڵی ته‌مه‌نیدا بێت.

باوکی له‌ ساڵی 1996 شه‌ڕی دژ به‌ ئه‌مه‌ریکای ڕاگه‌یاند و پلانداڕێژه‌ری سه‌ره‌کی هێرشه‌کانی 11 ی سپته‌مبه‌ری ساڵی 2001 بوو بۆ سه‌ر وڵاته‌ یه‌کگرتووه‌کانی ئه‌مه‌ریکا. ئوسامه‌ بن لادن له‌ ساڵی 2011 له‌ هێرشێکی هێزی تایبه‌تی ئه‌مه‌ریکا له‌ ئه‌بتئابادی پاکستان کوژرا.

XS
SM
MD
LG