Accessibility links

ئەمساڵ پێشانگەی نێودەوڵەتی ھەولێر، کراوەتە دوو بەش


پێشانگا لە هەولێر

لە پێشانگەی نێودەوڵەتی ھەولێر 165 کۆمپانیای 9 وڵات کەلوپەلەکانیان بۆ فرۆشتن نمایشکرد و زۆرترین کۆمپانیاش لە میسرەوە ھاتبوون کە ژمارەیان 65 کۆمپانیا بوو .ئەمساڵ جیاواز لە ساڵەکانی تر پێشانگەی نێودەوڵەتی ھەولێر بەسەر دوو بەش دابەشکراوە، یەکێکیان تایبەتە بە شتومەکە پترۆکیمیاوییەکان و ئەوەی دیکەش بە ناوی ھەولێر ستایلە کە تایبەتە بە جلوبەرگ و ئیکسسوارات .

ڤیان فازل لەگەڵ ئەوەی تەمەنی 52 ساڵە و پیشەی مامۆستایە بەڵام زۆری تەمەن رێگر نەبووە لە بەدیھێنانی خەونەکانی و بۆیە ئەمڕۆ لەم پێشانگەیە، کارە دەستییەکانی کە تایبەتن بە ژنان دەفرۆشێت. ئەو دەڵێ: لە زۆرترین پێشانگەدا بەشداریم کردووە و بەردەوامیش دەبم.

نیگار سەلام کچێکی شێوەکارە و بە مەبەستی کڕینی کەلوپەلی تایبەت بە وێنەکێشان ھاتووەتە ئەم پێشانگەیە، نیگار رەخنە لەم جۆرە پێشانگەیانە دەگرێت کە لەبەر کاری بازرگانی لایەنە ھونەرییەکانیان فەرامۆش کردووە.

ئێمەی شێوەکاران ناتوانین کەلوپەلەکانی تایبەت بە نیگارکێشان و رەنگ بە کوالێتییەکی باشەوە لە ھەولێر بەدەستبێنین و ناشتوانین لە دەرەوەی وڵات بیانکڕین، بۆیە پێمباشە لەم پێشانگەیانەدا ھونەرمەندانیشیان لەبیر بێت. نیگار وەھای گوت.

راپۆرتی تایبەت بە پێشانگەکە لەم فایلە دەنگییەی خوارەوە گوێبیست بن.

please wait

No media source currently available

0:00 0:03:13 0:00


XS
SM
MD
LG