Accessibility links

مافناسانی هەرێمی جەزیرە بەبۆنەی نزیکبوونەوەی ڕۆژی جیهانی ئاشتی خۆپیشاندان خۆپیشاندان ساز دەکەن


بەبۆنەی نزیک بوونەوەی ڕۆژی جیهانی ئاشتی کە لە ڕۆژی یەکی مانگی نۆ یاد دەکرێتەوە، ڕۆژی شەممە لە قامشلۆ ڕێکخراوەکانی ئەنجومەنی دیوانی دادوەری هەرێمی جەزیرەو یەکێتی پارێزەران لە باکور و ڕۆژهەڵاتی سوریا خۆپیشاندانێکیان سازدا بۆ ناڕەزایی دەربڕین بەرامبەر هەڕەشەو پێشێلکارییەکانی حکومەتی تورکیا بۆ هەرێمەکانی باکور و ڕۆژهەڵاتی سوریا.

ئەو چالاکییە لەبەردەم باڵەخانەی ئەنجومەنی دیوانی دادوەری کۆمەڵایەتی شاری قامشلۆ ئەنجام درا.

دەیان پارێزەر و ئەندامی نوسینگەو ڕێکخراوەکانی دیوانی دادوەری بەشداریان لەو چالاکیەدا کرد. ڕاگەیاندنی هەردوو ڕێکخرا خوێندرایەوە. ئەنجومەنی دیوانی دادوەری لە ڕاگەیاندنەکەی خۆیدا سیاسەتەکانی حکومەتەکەی ئەردۆغانی دژی هەرێمەکانی باکور و ڕۆژهەڵاتی سوریا شەرمەزار کرد و گوتی هێرشەکانی دژ بەو هەرێمانە دژ بە هەمو خەڵکی هەرێمەکانە.

یەكێتی پارێزەرانی باکور و ڕۆژهەڵاتی سوریا لە ڕاگەیاندنەکەیدا داوای لە ئەنجومەنی ئاسایش و ڕێکخراوە نێونەتەوەییەکانی مافەکانی مرۆڤ کرد کە بەر ئەرکی خۆیان هەستن و سنوورێک بۆ ئەو هەڕەشەو پێشێلکارییانەی تورکیا دابنێن.

دەقی ڕاپۆرتی پەیامنێرمان زانا عومەر لە قامشلۆ

please wait
Embed
zana
by VOA

No media source currently available

0:00 0:03:07 0:00

XS
SM
MD
LG