Accessibility links

فەرنسا 31 خێزانی ئێزیدی وەردەگرێت


فەرەنسا گروپێکی نوێی ژن و منداڵی ئێزیدی وەردەگرێت و هاوکارییان دەکات بۆ ئەوەی لە وڵاتەکەدا نیشتەجێ بن.

وەزارەتەکانی ناوخۆ و دەرەوەی فەرەنسا ڕایانگەیاند ڕۆژی پێنجشەممە 31 خێزان لە هەولێرەوە گەیشتنە شاری تۆلوسی باشوری فەرەنسا. پێشتریش دوو گروپی 16 و 28 خێزانی لە مانگی 12 و مانگی 5 دا گەیشتوون.

ئێزیدییەکان ئاینێکی کەمینەن لە عێراق و بیروڕای ئاینیان جیایان دەکاتەوە لە موسولمان و کرستیانەکانی ناوچەکە.

تیرۆرستانی داعش کە لە ساڵی 2014 بەشێکی زۆری باکوری عێراقیان کۆنترۆل کرد دەیانگوت ئێزیدییەکان " لە ئاین هەڵگەڕاوەن" و سەدان پیاوی ئێزیدیان کوشت لە کاتێکدا هەزاران ژن و منداڵیان کرد بە کۆیلە. نەتەوە یەکگرتووەکان ئەو هێرشانەی بە جینۆساید ناودێر.

XS
SM
MD
LG