Accessibility links

دیاری موحەمەد: هەرێمی کوردستان باشتر وایە رۆڵی ناوبژیوانی بگێڕێت لە نێوان تورکیا و پەکەکە


Dyari Mohamad

بوردومانەکانی تورکیا بۆ سەر ناوچە سنووریەکانی هەرێمی کوردستان هەر وا بەردەوامە و باس لە بێدەنگی چ حکومەتی هەرێم، پەرلەمانی کوردستان وە یاخود پارتەکان دەکرێ. ئایا وایە ؟ ئەگەر وایە بۆ ئەو بێدەنگیە؟

بەس هاووڵاتیانی هەرێم چۆن دەرواننە ئەو بوردومانانە؟

کێ لە راستیدا لەم هێڕش و بوردومانانە زیانی پێی کەوتووە؟

میدیاکان چ رۆڵێک لە ورووژاندنی ئەم پێشێلیانە دەبینن و رووماڵکردن و بە دووا چۆێدا؟

رۆژنامەوان دیاری مەحەمەد لە هەڤپەیڤینێکدا لەگەڵ بەشی کوردی دەنگی ئەمەریکا دەڵێت " هەرێمی کوردستان جگە لەوەی کە بێدەنگە، لە جیاتی لێدوان دژی ئەو بوردومان و ئەو پێشێلکارییەی کە تورکیا دەیکات، بەیاننامەی ئیسفزازی دەردەکەن، لێدوانی ئیستفزازی دەدەن، ئێمە دەڵێن باشترە لە جیاتی ئەو لێدوان و بەیاننامە ئیستفزازیانە باشتر وایە هەرێمی کوردستان رۆڵی ناوبژیوانی بگێڕێت، چونکە ئەوە کێشە نەتەوەیەکە، کێشەی چەند کەسێک نییە روویان لە شاخ کردبێت، کێشەی بنەماڵەیەک نییە لەگەڵ بنەماڵەیەکی تر لە باکوری کوردستان کێشەیان هەبێت، ئەمرۆ هەرێمی کوردستان بوونی هەیە و ناکرێ و نە گونجاوە بڵێ من ناتوانم هیچ بکەم، ئەمرۆ تۆ بوونت هەیە دەبێ ڕۆڵبگێڕیت، ئەرکت لەسەر شانە ".

Turkey Warplanes
Turkey Warplanes

​کاک دیاری هەر وەها دەڵێت " میدیای کوردی نەیتوانیوە چەوساندنەوەی گەلی کورد بگەینێتە جیهانی دەرەوە و لەم بوردومانانەدا بە پلەی یەک هاووڵاتیانی ناوچە سنووریەکان زیانیان پێی دەگات، تورکیا هیچ رۆژێک لە رۆژان نەیتوانی زیانێکی وەها بەرچاوو بگەینێتلەوێ کە بە ناوی هاتنی پەکەکەوە بێت، تەنها ئامانجی تورکیا زیان گەیاندنە بە خەڵکی سڤیل، ئەگە نە تورکیا گەر بوێری، پەکەکە لەسەر دەریای ڕەش هەیە ، پەکەکە لە نزدیک ئەنکارا و ئیستامبول هەیە دەتوانی لە ناو خاکەکەی خۆێدا شەڕ بکا، چونکە نێوانی قەندیل و ئەنکارا، نێوان قەندیل و ئیستامبول هەزاران کیلو مەترە، تورکیا تەنیا بە دووای بیانودا دەگەرێ".

کاک دیاری دەشڵێت " ئەوەی دیارە لە شەردا لە هەردوو لاوە زیان هەیە بەڵام دەبێ بزانرێ هێزێکی پارتیزانی زیانی کەمترە لە سوپایەک کە لە شوێنێکدایە، چونکە ئەو هێزە پارتیزانە بنکەیەکی دیاریکراوی نییە، لەبەر ئەوە بێگومان ئەو زیانانەی بە سوپای تورکیا دەکەوون لە لایەن میدیاکانی تورکیاوە دەشاردرێنەوە و چەواشە دەکرێن ".

please wait

No media source currently available

0:00 0:09:11 0:00

XS
SM
MD
LG