Accessibility links

ڕابوون مەعرووف: نزیکەی نیوەی ئەندامانی فڕاکسیۆنە تازەکەمان ژنن


ڕابوون مەعرووف سەرۆکی پێشووی فڕاکسیۆنی نەوەی نوێ، لە پەرلەمانی عێراقدا داوایەکی ئاڕاستەی سەرۆکی پەرلەمان کرد بۆ گۆڕینی ناوی فڕاکسیۆنەکەیان بۆ ئایندە.

لە بارەی ئەم گۆڕانکارییە بۆ دەنگی ئەمەریکا قسە دەکات و دەڵێت " ئێمە کە نەوەی نوێمان دروستکرد، بە پێی ئەو بانگەشانەی کە بۆمان کرد، ویستمان حزبێکی جیاواز بێ لەو حزبە بنەماڵەیی و کۆمپانیا سیاسیانەی کوردستانی عێراق، بەڵام دوای ئەوەی کە کاک شاسوار بوو بە سەرۆکی جوڵانەوەکە، ھەنگاو بە ھەنگاو پێگەی خۆی خراپ کرد و حزبەکەی کرد بە حزبی یەک خێزان و وایکرد حزب و کۆمپانیا تێکەڵ بن کە لە ئێستادا جیاکردنەوەیان مەحاڵە. بۆیە ئێمە داوامان کرد سەرۆکی جوڵانەوەکە بچێتە سەر کاری بازرگانی و واز لە جووڵانەوەکە بھێنێ یان ئێمە بەڕێزەوە حزبەکە بۆ ئەو بەجێبێڵین. دوای ئەوەی ئەو پێداگیری کرد کە لە سەرۆکایەتی نەوەی نوێ دەمێنێتەوە، ئێمە حزبەکەمان بۆ ئەو بەجێھێشت و پڕۆژەی دروستکردنی فڕاکسیۆنی ئایندەمان خستە بواری جێبەجێکردنەوە و لەم فڕاکسیۆنە تازەیشمان نزیکەی نیوەی ئەندامەکانمان ژنن و ھەوڵیش دەدەین بە کەمترین پارە چەند نووسینگەیەکی فڕاکسیۆنی ئایندە لە ھەولێر و سلێمانی بکەینەوە."

ڕاگەیاندنی فڕاکسیۆنی ئایندە لە کاتێکدایە، کە ھیچ حزبێک بەو ناوە بوونی نییە لە بارەی ئەمەوە ڕابوون مەعرووف گوتی " ئێمە حزبمان دروستنەکردووە، چونکە پێمانوایە زەمینەی سەرھەڵدانی حزبێکی تازە لە پاڵ حزبە بنەماڵەییەکان و بە کۆمپانیاکردنی حزب لە بار نییە بۆیە دەست بۆ دروستکردنی حزب نابەین، بەڵام ئێمە بڕوامان بە پێشخستنی فڕاکسیۆنێکی تازە و جیاواز لە ھەموو حزبە دووبارەکان ھەیە بە نەوەی نوێشەوە، بەو مانایەی ئێمە سێ پرانسیپ ھەن رەتیاندەکەیەوە: بە بنەماڵەیکردنی حزب و بە کۆمپانیاکردنی حزب و بە یەک کەسکردنی حزب."

تەواوی گوتووێژەکە لەم فایلە دەنگییەی خوارەوە، گوێبیست بن.

please wait
Embed

No media source currently available

0:00 0:06:58 0:00

XS
SM
MD
LG