Accessibility links

پاش تەقینەوەکەی شاری لیۆنی فەرەنسا پۆلیس بە دوای گومانبارەکەدا دەگەڕێت


ڕۆژی شەممە پۆلیسی فەرەنسا بە دوای گومانبارێکدا دەگەڕا کە بڕوا دەکرێت بۆمبێکی لە ناو زەرفێکدا دانابێت کە بوو بەهۆی بریندار بوونی 13 کەس لە شەقامێکی قەرەباڵغی شاری لیۆن لە ڕۆژی هەینی. داواکاری دژە تیرۆرسمی فەرەنسی ڕیمی هیتز ڕایگەیاند لێکۆڵینەوەکان دەستیان پێکردووە لەسەر ڕووداوەکە. ئەو گوتیش هەتا ئێستا هیچ گروپێک بەرپرسیارێتی ئەو تەقینەوەیەی نەگرتۆتە ئەستۆ.

کاربەدەستانی خۆجێهی دەڵێن 13 کەس بریندار بوون بەلام زۆربەیان برینەکانیان سوکن و 11 کەس لەوانە هێشتا لە نەخۆشخانەن.

سەرۆکی فەرەنسا ئیمانوێل ماکرۆن لە میانەی وتووێژێکی ڕاستەوخۆ لەسەر هەڵبژاردنەکانی پەرلەمانی ئەوروپا ڕۆژی هەینی ئەو تەقینەوەیەی بە هێرش ناودێر کرد.

هەیتزیش باس لەو گرتە ڤیدیۆیە دەکات کە لە کامێرای چاودێری دەرکەوتووە و دەڵێت نیشان دەدات چۆن گومانبارەکە ئێوارەی هەینی بە پاسکیل بەرەو نێوەندی شاری لیۆن دەڕوات.

XS
SM
MD
LG