Accessibility links

وه‌فدێكى دانیشتوانه كورده‌كانى خورماتو له‌گه‌ڵ به‌رپرسانى باڵاى شیعه‌دا له‌گفتوگۆدان


وێنه‌ی وه‌فدی دانیشتوانی خورماتوو له‌گه‌ڵ عه‌مار حه‌كیم
وێنه‌ی وه‌فدی دانیشتوانی خورماتوو له‌گه‌ڵ عه‌مار حه‌كیم

وه‌فدێك له‌دانیشتوانه‌ كورده‌كه‌ى قه‌زاى خورماتوى پارێزگاى سه‌ڵاحه‌دین، ماوه‌ى دوو رۆژه‌ له‌شارى به‌غدان، سه‌رقاڵى ئه‌نجامدانى گفتووگۆن له‌گه‌ڵ به‌رپرسانى باڵاى شیعه‌دا به‌مه‌به‌ستى ئاساییكردنه‌وه‌ى دۆخى قه‌زاكه‌ و گه‌رانه‌وه‌ى ئاواره‌كان.

محه‌مه‌د فایه‌ق به‌رپرسى راگه‌یاندنى قایمقامیه‌تى خورماتو و یه‌كێك له‌ ئه‌ندامانى وه‌فده‌كه‌، به‌ده‌نگى ئه‌مه‌ریكاى راگه‌یاند;چاومان به‌ عه‌مار حه‌كیم و قه‌یس خزعه‌لى سه‌رۆكى عه‌سایب ئه‌هلولحه‌ق كه‌وتووه‌، ئێستا به‌رێگه‌وه‌ین بۆ كه‌ربه‌لا بۆ بینینى نوێنه‌رى عه‌لى سستانى و دواتر له‌گه‌ڵ مالكى و هادى عامریشدا كۆده‌بینه‌وه‌.

وتیشى;ئامانجى سه‌ردانه‌كه‌مان گێرانه‌وه‌ى ئاواره‌ كورده‌كانه‌ بۆ خورماتو، هه‌روه‌ها هه‌وڵدانه‌ بۆ ئاشته‌وایى كۆمه‌ڵایه‌تى له‌نێوان كورد و توركمانى شیعه‌دا.

له‌ناوه‌راستى مانگى ئۆكتۆبه‌رى ساڵى رابردووه‌وه‌ دانیشتوانه‌ كورده‌كه‌ى
قه‌زاى خورماتو ئاواره‌ بوون و توركمانه‌ شیعه‌كان به‌سوتاندن و ته‌قاندنه‌وه‌ى ماڵه‌كانیان تۆمه‌تبار ده‌كه‌ن، له‌به‌رانبه‌ریشدا توركمانه‌ شیعه‌كان كورد تۆمه‌تبار ده‌كه‌ن به‌وه‌ى ماوه‌ى 14 ساڵه‌ ;زوڵمیان لێده‌كات.

سه‌باره‌ت به‌ وه‌ڵامى عه‌مار حه‌كیم و قه‌یس خز عه‌لى بۆ داواكاریه‌كانیان،
محه‌مه‌د فایه‌ق وتى;بریاردراوه‌ لیژنه‌یه‌ك له‌ پێكهاته‌كانى شاره‌كه‌ پێكبهێنرێت و به‌رپرسیارێتى هه‌ڵبگرن، وه‌ره‌قه‌یه‌ك له‌نێوان پێكهاته‌كاندا واژوو بكرێت بۆ ئه‌وه‌ى جارێكى تر شه‌ڕ هه‌ڵنه‌گیرسێته‌وه‌.

به‌پێى وته‌ى محه‌مه‌د فایه‌ق، به‌رپرسانى باڵاى شیعى قسه‌شیان له‌سه‌ر ئه‌وه‌ له‌گه‌ڵ كردوون، كه‌ هێزه‌ شیعیه‌كانى حه‌شدى شه‌عبى له‌خورماتو بكرێنه‌ ده‌ره‌وه‌ و هێزى پۆلیسى ئیتیحادى له‌ناو قه‌زاكه‌ جێگیر بكرێن.هێزه‌ شیعیه‌كان و به‌تایبه‌ت حه‌شدى توركمانى كه‌ ئێستا له‌خورماتو باڵاده‌ستن، لاریان نیه‌ له‌گه‌ڕانه‌وه‌ى دانیشتوانه‌ كورده‌كه‌ى خورماتو، به‌ڵام ئاماژه‌به‌وه‌ده‌كه‌ن كه‌ رێگه‌ ناده‌ن چه‌كداره‌ كورده‌ خۆبه‌خشه‌كان بۆ
قه‌زاكه‌ بگه‌رێنه‌وه‌.

please wait

No media source currently available

0:00 0:03:25 0:00

XS
SM
MD
LG