Accessibility links

تاهیر که‌مالیزاده‌: ئه‌مانویست شتێکی باشتر ساز بده‌ین و گه‌لی کورد بگا به‌ ئاره‌زوه‌کانی


Tahir Kamalizadeh

هه‌وڵدانه‌کان له‌ چه‌ند ساڵی رابوردوودا بۆ ئه‌نجامدانی کونگره‌یه‌کی نه‌ته‌وه‌یی بۆ هه‌موو به‌شه‌کانی کوردستان سه‌ری نه‌گرت. به‌ ده‌ستپێشخه‌ری کۆنگره‌ی نه‌ته‌وه‌یی کوردستان KNK له‌ رۆژانی 15 – 16 ژولای کۆبۆنه‌وه‌ی راوێژکاری نه‌ته‌وه‌یی له‌ شاری سلێمانی به‌رێوه‌چوو.

Kurdistan National Congress (KNK) XEBER24
Kurdistan National Congress (KNK) XEBER24

تاهیر که‌مالیزاده‌ جێگری هاوسه‌رۆکی کۆنگره‌ی نه‌ته‌وه‌یی کوردستان KNK و ئه‌ندامی ده‌سته‌ی رێبه‌رایه‌تی له‌ هه‌ڤپه‌یڤینێکدا له‌گه‌ڵ به‌شی کوردی ده‌نگی ئه‌مه‌ریکا ده‌ڵێت " کۆنگره‌ی نه‌ته‌وه‌یی کاره‌که‌ی ئه‌وه‌یه‌ له‌ سه‌ر تێکۆشانی خۆێ به‌رده‌وام بێت تا ئاره‌زوه‌کانی خه‌ڵکی کوردستان ده‌گاته‌ دی، ئه‌و بارودۆخ و هه‌ل و مه‌رجه‌ی که‌ کوردستانی تێدایه‌ پێویستی به‌وه‌ ده‌کرد هاوارێک، بانگه‌وازێک ئاراسته‌ی خه‌ڵکی خۆمان بکه‌ین و به‌ پشتێوانی رووناکبیران، رۆژنامه‌نووسان و پارته‌کانی کوردی رابگه‌ینیین که‌ هه‌لێکی زۆر گه‌وره‌یه‌، هه‌لێکی بنه‌ره‌تی هاتوه‌ته گۆرێ وه‌ شیانێکی زۆر گه‌وره‌ هه‌یه‌ که‌ ئێمه‌ سه‌رکه‌وتوو بین و ببینه‌ ئه‌کته‌رێک له‌ گوره‌پانی سیاسیدا، بۆیه‌ ئێمه‌ دیسان چوین و داوامان له‌ خه‌ڵکی کوردستان و پارته‌کان کرد‌ بۆ ئه‌وه‌ی کۆبینه‌وه‌ و به‌لای که‌م له‌سه‌ر ئه‌و خاڵانه‌ی که‌ کۆک و نزدیک و هاوبه‌شین کۆببینه‌وه‌".

کاک تاهیر هه‌ر وه‌ها ده‌ڵێت " کۆنگره‌ی نه‌ته‌وه‌یی کوردستان KNK ساڵانێکه‌ کار ده‌کات و زۆربه‌ی خه‌ڵکه‌که‌ له‌گه‌ڵدایه‌، به‌ڵام ویستمان به‌رفراوانتر بێت و بتوانی ( قوه‌ اجرائی) واته‌ توانایی جێبه‌جێکردنی هه‌بێت به‌ڵکو بتوانین شتێکی به‌رینتر ساز بده‌ین و مه‌به‌سته‌که‌ ئه‌وه‌یه‌ ئه‌گه‌ر شتێکی باشتر هه‌بێت وه‌ یاخود ئه‌لترناتیڤێکی تر هه‌بێ که‌ میلله‌تی کورد به‌ ئاره‌زووێ خۆێ بگا و پارته‌کان بریاری چاره‌ساز بۆ ئێمه‌ بده‌ن".

کاک تاهیر ده‌شڵێت " من بۆ ماوه‌ی 40 رۆژ له‌وێ بووم وه‌ به‌ شانازیه‌وه‌ سه‌ردانی هه‌موو لایه‌نه‌کانم کرد، له‌ قه‌ندیله‌وه‌ تا مه‌ندیل که‌ هه‌موو پێشوازیه‌کی گه‌رمیان لێ کردین و به‌ دڵخۆشیه‌وه‌ وه‌ڵامیان داێنه‌وه‌ و پێیم وابوو هه‌موو به‌شداریان بکردبایه‌ به‌ڵام به‌داخه‌وه‌ هه‌ندێ لایه‌ن به‌شدار نه‌بوون ".

please wait

No media source currently available

0:00 0:15:09 0:00

XS
SM
MD
LG