Accessibility links

به‌ڕێوه‌به‌رى ئاسايشى هه‌ولێر: ڕاگەیاندنەکەی هه‌ده‌په‌ ئه‌سڵ و ئه‌ساسى نيیه‌ و ڕاست ناكه‌ن


له‌ ڕاگه‌يه‌ندراوێكدا نوێنه‌رايه‌تى پارتى ديموكراتى گه‌لان هه‌ده‌په‌ له‌ هه‌ولێر ده‌ڵێن له‌ هه‌رێمى كوردستان و به‌ تايبه‌تى له‌ شارى هه‌ولێر گوشارێكى توند خراوه‌ته‌ سه‌ر ئه‌ندام و نوێنه‌ره‌كانيان، هه‌روه‌ها له‌ ڕاگه‌يه‌نراوه‌كه‌ى هه‌ده‌په‌دا ئه‌وه‌ش هاتووه‌، كه‌ گوشارێكی توند‌ خراوەتە ‌سه‌ر ئه‌ندامانی نوێنه‌رایه‌تیان و خه‌ڵكی باكوور كه‌ په‌نایان بۆ هه‌رێمی كوردستان هێناوه و مامه‌ڵه‌ی خراپ و ئازاردانیان ڕۆژ به‌ ڕۆژ زیاتر ده‌بێت.

نوێنه‌رايه‌تى هه‌ده‌په‌ له‌ هه‌ولێر باسى ئه‌وه‌شى كردووه‌ كه‌ هێزه‌كانی ئاسایش‌ هه‌ڕه‌شه‌ له‌ په‌نابه‌رانی باكوور ده‌كه‌ن و پێیان ده‌ڵێن نه‌چن بۆ نوێنه‌رایه‌تی هه‌ده‌په‌ و به‌شداری له‌و چالاكییانه‌دا نه‌كه‌ن كه‌ په‌یوه‌ندییان به‌ باكووره‌وه‌ هه‌یه‌.

تاریق نووری بەڕێوەبەری ئاسایشی هەولێر له‌ وتووێژێكدا له‌گه‌ڵ به‌شى كوردى ده‌نگى ئه‌مه‌ريكا ده‌ڵێت ئەو ڕاگەیاندنەی هەدەپە ئه‌سڵ و ئه‌ساسى نیيه‌ به‌ ده‌ليل نه‌ كه‌سيان گيراوه‌ و نه‌ كه‌سيان بانگهێشتكراوه‌ هيچ گوشارێك له‌ سه‌ر ئه‌وانيش نيیه‌ مه‌به‌ستيان چيه‌ له‌ فشار.

سەبارەت بەوەی کە لە ڕاگەیەندراوەکەی هەدەپەدا هاتووەزۆر جار رێگرى له‌ ئه‌ندام و خەڵکى باكوور ده‌كه‌ن كه‌ نه‌چن بۆ چالاكى و له‌ هه‌ولێر ده‌ستگير ده‌كرێن ،به‌رێوه‌به‌رى ئاسايشى هه‌ولێر لەو وتووێژەدا کە ئەحمەد زێباری لەگەڵیدا سازی داوە دەڵێت "ڕاست ناكه‌ن ، ئه‌سڵ و ئه‌ساسى نيیه‌ئه‌وان له‌ هه‌ولێر چالاكى چيان هه‌يه‌ چالاكيان هه‌بێت پێويسته‌ مۆڵەت له‌ ليژنه‌ى ئه‌منى پارێزگا و له‌و شوێنانه‌ وه‌ربگيرێت و تا ئێستا ئه‌وان داوايان نه‌كردووه‌ هيچ چالاكيه‌كيان هه‌بێت و رێگريشيان لێ نه‌كراوه‌ و هيچ فشار و زه‌ختێك له‌سه‌ر ئه‌وان نه‌بووه،‌ نه‌ كه‌سيان گيراوه‌ نه‌ بانگ كراون كه‌ قسه‌يان له‌گه‌ڵ كرابێت به‌هيچ شێوەیەک شتى وا نه‌بووه"‌.

دەقی وتووێژەکەی پەیامنێرمان ئەحمەد زێباری لەگەڵ تارق نووری

please wait

No media source currently available

0:00 0:01:25 0:00

XS
SM
MD
LG