له شاری سلێمانی كه‌مپینی پاراستنی دار و دره‌خت و پاركه‌كانی شار ڕاگه‌یه‌ندرا. له‌وباره‌یه‌وه هاوژین عوسمان لێپرسراوی ڕاگه‌یاندنی به‌ڕێوه‌به‌ڕایه‌تی باخچه‌كانی سلێمانی به ده‌نگی ئه‌مەریكای ڕاگه‌یاند "به‌هۆی قه‌یرانی داراییه‌وه چه‌ندین مانگه پاره ته‌رخان نه‌كراوه بۆ ئاودێری باخچه‌كان و ته‌نانه‌ت حكومه‌ت له‌سه‌ره‌وه وه‌ڵاممان ناداته‌وه كه داوای بودجه ده‌كه‌ین بۆ ئاودێری و جۆرێك له‌خه‌م ساردی پێوه دیاره".
له سنووری پارێزگای سلێمانیدا زیاتر له ٥٣٤ باخچه‌و پارک هه‌ن به‌ڕێوه‌بارایه‌تی باخچه‌كان ئه‌وه ده‌خه‌نه ڕوو مه‌ترسی وشك بونی ئه‌و باخچانه هه‌یه.
دەقی ڕاپۆرتەکەی پەیامنێرمان ژیار محەمەد لەو بارەیەوە.
