Accessibility links

لە ئۆپەراسیۆنەکانی دژ بە توندڕەوان لە بەنگلادێش زیاتر لە 5 هەزار کەس دەستگیر دەکرێن


کاربەدەستانی بەنگلادێش بەلایەنی کەم 85 کەسیان دەستگیر کردووە لە میانەی ئۆپەراسیۆنێکی فراوانیاندا دژ بە ئیسلامییەکان پاش ڕوودانی زنجیرەیەک هێرشی دڕندانە دژ بە کەمینەکان و چالاکوانە لیبراڵەکان.

بە گشتی نزیکەی 5 هەزار گومانباری تاوانبار دەستگیر کراون لەو کاتەوەی ئاژانسەکانی جێبەجێکردنی یاسا لە ڕۆژی هەینییەوە دەستیان کرد بە چالاکییەکانیان بۆ بنبڕکردنی ئەو کوشتنکارییانەی کە لەو وڵاتە زۆرینە موسوڵمانەدا ڕوویاندەدا.

بەر پرسی پۆلیسی نیشتیمانی شاهدول حەق دەڵێت هەمو ئەو کەسانەی کە دەستگیر کراون بە تاوانی دیاری کراوی پەیوەست بە چەکداری یان موخەدەرات بووە.

لە هەفتەی ڕابوردوو کەسایەتییەکی بەتەمەنی ئاینیی هیندۆس، کەسێک کە لە پەرستگای هندۆسەکان کاری دەکرد و دوکاندارێکی کرستیان کوژران و پاشان داعش بەرپرسیارێتی هێرشەکانی بۆسەریان گرتە ئەستۆ. هەروەها هاوسەری ئەفسەرێکی پۆلیسی سەرەکی دژە تیرۆریش کە موسوڵمان بوو هێرشی چەقۆ کرایە سەری و کوژرا.

ملیتانەکان لە سەرەتای ئەم مانگەوە زیاتر لە 30 کەسیان لە بەنگلادێش کوشتووە کە بریتی بوون لە بێبڕوایان،کەسانی ئەکادیمی لیبراڵ، ئەو کەسانەی کە بەرگری لە مافی هاوڕەگەزبازەکان دەکەن، کارمەندانی فریاگوزاری بیانی و ئەندامانی ئاینە کەمینەکان.

داعش بەرپرسیارێتی21 هێرشی گرتۆتە ئەستۆ لە مانگی 9 وە.

XS
SM
MD
LG