له شارى هه‌ولێر ژماره‌يه‌كى زۆر له چاڵاكوانان و ئه‌و ده‌نگه ناڕه‌زاييانه‌ى كه به‌م دووايیانە به‌هۆى قه‌يرانه‌كانى هه‌رێمى كوردستان دروست بوونە كۆبوونه‌ته‌وه و پێكه‌وه له كۆنفرانسێكدا كۆڕبه‌ندى ناڕه‌زايى نيشتيمانيان ڕاگه‌ياند و يه‌كه‌م هه‌نگاوى ئه‌م كۆڕبه‌نده ناڕه‌زاييه‌ش يه‌كخستنى ده‌نگه ناڕه‌زاييه‌كانى كوردستانه.
له‌مباره‌يه‌وه عه‌لى سياسى رێكخه‌رى كۆڕبه‌ندى ناڕه‌زايى نيشتيمانى بە دەنگی ئەمەریکای ڕاگەیاند "نه‌بوونى ناعه‌داله‌تى له دابه‌شكردنى سه‌روه‌ت و سامان له كوردستاندا و بوونى گه‌نده‌ڵى و سه‌روه‌رنه‌بوونى ياسا و تێكشكاندنى كه‌رامه‌تى مرۆڤه‌كان و نه‌بوونى ديموكراسيه‌ت، ئه‌مانه هه‌موو ئه‌و خاڵانه بوون كه ده‌مانه‌وێت كاريان له سه‌ر بكه‌ين " .
بەڕێز سیاسی گوتیشی ئێمه بۆ ئه‌وه كۆبووينه‌ته‌وه تا بتوانين سه‌رجه‌م ده‌نگه ناڕه‌زاييه‌كان يه‌ک بخه‌ين و هاوده‌نگ بين و پێكه‌وه ناڕه‌زايى سەرانسەری ئه‌نجام بده‌ين.
له لايه‌كى ترەوە ستار ئاپۆ ئه‌ندامى ئه‌نجومه‌نى پارێزگاى هه‌ولێر و ئه‌ندامى ئه‌نجومه‌نى كۆڕبه‌ندى ناڕه‌زايى بە دەنگی ئەمەریکای ڕاگەیاند " هه‌موو لە جومگه‌كانى دەسەڵاتدا گه‌نده‌ڵى و ناعه‌دالى هه‌يه بۆیە يه‌كه‌م هه‌نگاوى ئێمه هاوده‌نگ و يه‌كخستنى كاره‌كانه به‌رامبه‌ر هه‌موو ئه‌و سته‌م و ناعه‌داله‌تيیانه‌‌ى كه لە كوردستاندا هه‌ن.
دەقی ڕاپۆرتەکەی پەیامنێرمان ئەحمەد زێباری لە هەولێر
