شەوى ڕابردوو داعش لە سێ قۆڵەوە هێرشى كردە سەر چەكدارەكانى حەشدى شەعبى لەناوچەى تازەى باشورى كەركوک ،بەڵام لەلایەن تۆپخانەكانى حەشد و پێشمەرگەوە بەچڕی بۆمب باران كران و هێرشەكەیان تێكشكێندرا.
نازم كەهیە، رێكخەرى نێوان هێزى پێشمەرگە و حەشدى شەعبى لەناحیەى تازە، بەدەنگى ئەمەریكاى ڕاگەیاند"داعش لەگوندى بەشیرى باشورى كەركوكەوە بە ئاراستەى ناحیەى تازە هێرشى دەستپێكردووە و ویستویەتى پێشڕەوى بكات."
بەپێى گوتەی ناوبراو ، دواتر هێزى پێشمەرگە كە لەناوچەكەدا بوونیان هەیە هاوكارى حەشدى شەعبى یان كردووە و هێرشەكانى داعشیان تێكشكاندووە.
هێرشەكانى شەوى ڕابردووى داعش لەباشورى كەركوک، لەكاتێكدایە حەشدى شەعبى 4 فەوج چەكدارى لەناوچەكەدا هەیە و ، حكومەتى عێراقیش فیرقەى عەباسى شەڕكەرى ڕەوانەى ناوچەكە كردووە كە نزیكەى هەزار سەرباز دەبن.
سۆران جەلال بەرێوەبەرى پۆلیسى فریاكەوتنى ناحیەى تازە، بەدەنگى ئەمەریكاى ڕاگەیاند"بەهۆى بۆمب بارانى داعشەوە ، دانیشتوانى گەڕەكێكى تازە ماڵەكانیان چۆڵكردووە."
حكومەتى عێراق هێزێكى زۆرى حەشدى لەناحیەى تازە كۆكردووەتەوە بەئامانجى دەرهێنانى
گوندى بەشیرى توركمانى شیعەنیشین لەژێر دەستى داعش ، بەڵام شەوى ڕابردوو داعش هێرشێكى چاوەڕوان نەكراوى ئەنجامدا بۆ زیان گەیاندن بەحەشد بەڵام هێرشەكانى تێكشكێنرا.
دەقی ڕاپۆرتەکەی پەیامنێرامان دڵشاد ئەنوەر