Accessibility links

ئارێز عەبدوڵا: ئەگەر کێشەکانی هەرێم بە هەڵپەسێردراوی مانەوە ئەوا لە بەغدا بە چاوێکی تر سەیری شاندی هەرێم دەکرێت


ئارێز عه‌بدوڵا

لە کاتێکدا کە دەگوترێت شاندێکی هەرێمی کوردستانی عێراق سەردانی بەغدا دەکات بۆ وتووێژ و دانوستاندن لەسەر کێشەکانی نێوان بەغدا و هەولێردا پرسیار زۆرن لەسەر ئەگەر و نەگەرەکانی مانەوەی زەمینەی هاوبەش لە نێوانیاندا.

ئارێز عەبدوڵا، ئەندامی پەرلەمانی عێراق لە سەر لیستی یەکێتی نیشتمانی کوردستان دەڵێت پێشتر هەوڵێک هەبووە کە حکومەتی فێدرالی و حکومەتی هەرێم پێکەوە دابنیشن و حکومەتی هەرێم ئەو پێشنیازەی ڕەت نەکردۆتەوە و ئامادەیی خۆی نیشان داوە بۆ دانیشتن و باسکردنی کێشەکان و بە تایبەتیش کێشەی نەوت.

هەندێک لە لایەنە سیاسیەکانی هەرێمی کوردستان دەڵێن لەم هەلومەرجە سیاسیەی ئێستای هەرێمی کوردستاندا چوونی ئەم شاندە بۆ بەغدا و ڕێککەوتن لەگەڵ بەغدادا، ئەوا ئەو ڕێککەوتنە ڕەوایی نابێت.

بەڕێز عەبدوڵا دەڵێت بێگومان گەر شاندێک لەم بارودۆخەدا بچێتە بەغدا بەبێ ئەوەی کێشەکانی ناوخۆی هەرێم چارەسەرکرابن بە تایبەتیش کێشەی پەرلەمان و حکومەت ئەوا وەک دەڵێت لەو بڕوایەدا نییە شاندەکە بتوانێت لە کۆبوونەوەکانی بەغدادا ئەنجامی باشی هەبێت.

بەڵێن ساڵح وتووێژی لەگەڵ ئارێز عەبدوڵا کردووە.

زانیاری زیاتر لە دەقی وتووێژەکەدایە:

XS
SM
MD
LG