Accessibility links

ئالان و غالب و دایکیان لە کۆبانی بەخاکسـپـێردران


تەرمی ئالان و غالبی برای و ڕێحانەی دایکیان ئەمڕۆ هەینی لە گۆڕستانێـکی شاری کۆبانی بەخاکسـپـێردران.

عەبدوڵڵای باوکی لە پاش بەخاکسـپاردنەکە بۆ ئامادەبووان و میدیاکان باسی بەسەرهاتی خۆی و خێزانەکەی کرد و گوتی خوشکەکەی لە کەنەدا زۆر هەوڵی دابوو حکومەتی ئەو وڵاتە قایل بکات مافی پەنابەریـیان بداتێ و پـێی گوتوون " تەنها ڕێگە بدەن بێنە کەنەدا و ئیدی هەموو خەرجیـیەکانیان لە ئەستۆ دەگرم"، بەڵام مەخابن حکومەتی کەنەدا ڕازی نەبوو.

پاشان گوتی دوای ئەوەی هەموو ئەندامانی خێزانەکەم لەدەسـتدا دوێنێ پـێـنجشەممە حکومەتی کەنەدا مافی پەنابەرێتی داومەتێ.

عەبدوڵڵا لە درێژەی قسەکانی گوتی دوای ئەوەی لە بەدەسـتهێنانی مافی پەنابەرێتی لە کەنەدا بێ هیوابوون، خۆی و خێزانەکەی بڕیاریان داوە ڕێی ئەوروپا بگرنەبەر و ناچار قاچاخچیـیەکیان لە بۆدروم دۆزیوەتەوە و بۆ هەر یەکەیان 2 هەزار دۆلاری لێ وەرگرتوون.

ئیدی بە بەلەمێـک لە نێوە شەودا دەرچوون و شەپـۆلی ئاوی دەریاکە بەلەمەکەی هەڵگەڕانۆتەوە و ڕێحانەی هاوسەری و هەردوو کوڕەکەی خنکاون.

XS
SM
MD
LG