وەزارەتی بەرگری ئەمەریکا دەڵێت فڕۆکەکانی هاوپەیمانانی بە ڕابەرایەتی وڵاتەکەیان لە ماوەی 24 کاژمێری ڕابردوو 23 هێرشی ئاسمانیـیان کردووەتە سەر داعش لە عێراق و سوریا.
لە بەیانـنامەیەکدا ڕۆژی هەینی لەسەر ماڵپەڕی وەزارەتی بەرگری ئەمەریکا هاتووە 10 لەو هێرشانە لە سوریا ئەنجامدراون کە دووانیان لە نزیک ناوچەی کۆبانی بوون و چواریان لە نزیک شاری ڕەققە و چوارەکەی دیکە لە نزیک دێرزور.
لە عێراقیش، 13 هێرشی ئاسمانی کراون، سیان نزیک کەرکوک و دووان نزیک موسڵ و دووان لە نزیک ڕومادی و چوار نزیک تەلەعفەر و دووان نزیک ئەلوەلید.
لەو بۆردومانانە تانکی داعش تێـکشکێنراون لەگەڵ ماشێنی زرێپـۆش و سیستەمی موشەکی و تۆپ و خومپارە و دۆشکە. هەروەها چوار شوێنی کۆکردنەوەی نەوتی خاوی داعشیش بۆردومانکران.