Accessibility links

کاربه‌ده‌سـتێـکی ئێران: شاندێـکی ئه‌مه‌ریکایی به‌ مه‌به‌ستی وبه‌رهه‌مهێنان سه‌ردانی ئێران ده‌کات


یاریده‌ده‌ری وه‌زیری نه‌وتی ئێران ده‌ڵێت شاندێـکی ئه‌مه‌ریکایی سه‌ردانی ئێران ده‌کات به‌ مه‌به‌ستی وه‌به‌رهه‌مهێنان له‌ بواری که‌رتی وزه‌دا.

عه‌باس شعری موقه‌ده‌م ڕۆژی دووشه‌ممه‌ ئه‌مه‌ی بۆ ئاژانسی ده‌نگ‌وباسی میهری ئێرانی ڕاگه‌یاند و گوتی چاوه‌ڕوان‌ده‌کرێت شانده‌که‌ له‌م هه‌فته‌یه‌دا سه‌ردانه‌که‌ی ئه‌نجام بدات. گوتوشیه‌تی ئه‌گه‌ر بێت و سزاکانی سه‌ر که‌رتی نه‌وتی ئێران لابـبرێن، ئه‌وا کۆمپانیا گه‌وره‌کانی نه‌وت و گازی ئه‌مه‌ریکا له‌ ئاینده‌دا له‌و بواره‌دا له‌ ئێران هاوکاری ده‌که‌ن.

هه‌رچه‌نده‌ ورده‌کاری زیاتری له‌م باره‌یه‌وه‌ نه‌داوه‌، به‌ڵام گوتوشیه‌تی کۆمپانیاکانی ئه‌وروپا و ئه‌مه‌ریکا ئاماده‌یی خۆیان ده‌ربڕیوه‌ بۆ وه‌به‌رهه‌مهێنان له‌ پـرۆژه‌ نوێـیه‌کانی پـترۆکیمیاویـیه‌کانی ئێراندا.

XS
SM
MD
LG