له‌شکری تورکیا هێرش ده‌کاته‌ سه‌ر شوێنه‌کانی په‌که‌که‌ له‌ ماردین

له‌شکری تورکیا ده‌ڵێت هێرشێـکی ده‌سـتپـێـکردووه‌ بۆ سه‌ر حه‌شارگه‌کانی پارتی کرێکارانی کوردسـتان (په‌که‌که‌) له‌ باشوری ڕۆژهه‌ڵاتی وڵات.

له‌شکر ڕۆژی سێشه‌ممه‌ له‌ به‌یانـنامه‌یه‌کدا که‌ له‌سه‌ر ماڵپه‌ڕه‌که‌ی بڵاویکرده‌وه‌، نووسیویه‌تی بۆ ئه‌م مه‌به‌سته‌ 5 تیمی بۆ ناوچه‌ی شه‌مره‌خی پارێزگای ماردین ڕه‌وانه‌کردووه‌، پاش ئه‌وه‌ی فه‌رمانڕه‌وای ناوچه‌که‌ ڕه‌زامه‌ندی ده‌ربڕیوه‌. هه‌روه‌ها له‌شکر ده‌ڵێت ئۆپه‌راسیۆنه‌که‌ به‌رده‌وام ده‌بێت.

ئاژانسی فوراتی نزیک له‌ په‌که‌که‌ هه‌واڵه‌که‌ی پشـتڕاستکرده‌وه‌ و گوتی هێرشه‌که‌ ناوچه‌کانی (گۆلکێ، خندرس، بیرینیه)‌ ی گرتووه‌ته‌وه‌ و هێزه‌کانی حکومه‌تیش بریتین له‌ تیمی تایبه‌ت و له‌شکر و چه‌کدارانی سه‌ر به‌ حکومه‌ت. ده‌شڵێت ئه‌و هێزانه‌ چه‌ک و ئامێره‌ له‌شـکریـیه‌کانیان له‌ ناوچه‌که‌ دامه‌زراندووه‌.