عه‌ره‌فات که‌ره‌م ئه‌ندامی په‌رله‌مانی عێراق له‌سه‌ر لیستی پارتی دیموکراتی کوردسـتان ده‌ڵێت عێراق دوا هه‌لی له به‌رده‌مدا ماوه‌ته‌وه بۆ ئه‌وه‌ی به یه‌ک پارچه‌یی بمێنێته‌وه.
له وتووێژێـکدا له‌گه‌ڵ حه‌یده‌ر که‌ریم له به‌شی کوردی ده‌نگی ئه‌مه‌ریکا، عه‌ره‌فات که‌ره‌م ده‌ڵێت سه‌رۆک وه‌زیران عه‌بادی ده‌بێته دوایـین که‌س سه‌رۆکایه‌تی وه‌زیرانی عێراق بکات ئه‌گه‌ر هاتوو نه‌توانێت کورد و سووننه ڕازی بکات. ده‌شڵێت کورد که به‌شـداری له حکومه‌تی عه‌بادی کرد له‌سه‌ر ئه‌و بنه‌مایه بووه مافی کورد پـێشـێل نه‌کرێته‌وه و سیناریۆی سه‌رۆک وه‌زیری پـێشوو مالیکی دووباره نه‌بێته‌وه.
