Accessibility links

که‌سوکاری سێ موسوڵمانه‌که‌ی له‌ ئه‌مه‌ریکا کوژران داوا ده‌که‌ن دۆسێکه‌ بکرێت به‌ تاوانی ڕق و کینه‌


که‌سوکاری سێ خوێندکاره‌ موسوڵمانه‌که‌ی له‌ ولایه‌تی کارۆلاینای باکور کوژران ده‌یانه‌وێت دۆسێکه‌ وه‌کو دۆسێیه‌کی تاوانی ڕق و کینه‌ دابنرێت، به‌ڵام شاره‌زایانی یاسایی ده‌ڵێن چونکه‌ دۆسێی له‌و جۆره‌ ده‌گمه‌نه‌ زۆر سه‌خت ده‌بێت بسه‌لمێندرێت ئه‌مه‌ به‌هۆی ڕق و کینه‌ ڕوویداوه‌.

پۆلیس له‌ چاپل هیڵ ده‌ڵێت هێشتا به‌ڵگه‌یان نه‌دۆزیوه‌ته‌وه‌ که‌ کریج ستیڤن هایکس ئه‌م کاره‌ی به‌ ڕق و کینه‌ی ئاینییه‌وه‌ کردبێت، هه‌رچه‌نده له‌و باره‌یه‌وه‌ لێکۆڵینه‌وه‌ ده‌که‌ن. یه‌کێک له‌ شیانه‌کانی که‌ هۆکاری ئه‌و تاوانه‌ بووه‌ کێشه‌ی له‌مێژینه‌یانه‌ له‌سه‌ر شوێنی وه‌ستاندنی ئۆتۆمبێل له‌به‌رده‌م ئه‌و باڵه‌خانه‌یه‌ی هایکس و قوربانییه‌کانی لێی نیشته‌جێ بوون.

له‌ ڕاگه‌یاندنێکی ڕێکخراوی وڵاتانی ئیسلامی( که‌ له‌ 57 وڵات پێک هاتووه‌ و گه‌وره‌ترین ڕێکخراوی وڵاتانی موسوڵمانه‌) ده‌ڵێت سه‌رۆکی ڕێکخراوه‌که‌ سوپاسی گه‌لی ئه‌مه‌ریکای کردووه‌ بۆ ئیدانه‌ کردنی ئه‌و کوشتنه‌ی که‌ ئاماژه‌ به‌ تاوانی ڕق و کینه‌ ده‌کات.

ڕۆژی هه‌ینی سه‌رۆک براک ئۆباما له‌ واشتنۆن ڕایگه‌یاند " نابێت هیچ که‌سێک له‌ وڵاته‌ یه‌کگرتووه‌کانی ئه‌مه‌ریکا به‌هۆی نه‌ته‌وه‌ ، ڕه‌نگ یان ئاین بکرێن به‌ ئامانج".

باڵیۆزخانه‌ی ئوردن له‌ واشنتۆن ڕایگه‌یاند باڵیۆزه‌که‌ی له‌ ڕۆژی هه‌ینی سه‌ردانی خێزانه‌کانی کردووه‌. یوسر ئه‌بوسه‌لاح وه‌کو دایک و باوکی له‌ ئوردن له‌ دایک بووه‌ به‌ڵام خوشکه‌ بچووکه‌که‌ی له‌ وڵاته‌ یه‌کگرتووه‌کانی ئه‌مه‌ریکا له‌ دایک بووه‌.

ئه‌ندامانی خێزانه‌که‌یان ده‌ڵێن هه‌ر سێکیان به‌ گولله‌ له‌سه‌ریان دراوه‌ هه‌رچه‌نده‌ پۆلیس ناڵێت چۆن کوژراون.

XS
SM
MD
LG