Accessibility links

شه‌یدا حیسامی: هێرشه‌که‌ی سه‌ر گۆڤاری شارلی ئیبدۆ جارێکی تر بره‌وی به‌ زمانی ته‌نزئامێزی دایه‌وه‌ له‌ میدیای فه‌ڕه‌نسادا


شه‌یدا حیسامی

به‌ ملیۆنان دانه‌له‌ چاپی ئه‌مڕۆ چوارشه‌ممه‌ی گۆڤاری شارلی ئیبدۆ فرۆشراوه‌.

له‌ پاش ئه‌و هێرشه‌ی کرایه‌ سه‌ر ئۆفیسی ئه‌م گۆڤاره‌ له‌ فه‌ڕه‌نسا و له‌ ئاکامدا ژماره‌یه‌ک له‌ ڕۆژنامه‌وانانی ئه‌م گۆڤاره‌ هه‌فتانه‌یه‌ کوژران، کارمه‌ندانی تری گۆڤاره‌که‌ بڕیاریان دا 3 ملیۆن دانه‌ چاپ بکه‌نه‌وه‌.

دیمه‌نێکی ده‌ربڕینی هاوسۆزی بۆ شارلی ئیدبۆ، به‌ کامێرای شه‌یدا حیسامی
دیمه‌نێکی ده‌ربڕینی هاوسۆزی بۆ شارلی ئیدبۆ، به‌ کامێرای شه‌یدا حیسامی

شه‌یدا حیسامی ڕۆژنامه‌وانی ئازاد و دانیشتووی فه‌ڕه‌نسا ده‌ڵێت تا نزیکه‌ی کاژمێر 10 ی سه‌رله‌به‌یانی ئه‌مڕۆ چوارشه‌ممه‌ به‌هۆی زۆر فرۆشتنی گۆڤاره‌که‌وه‌ بڕیاریان دا 2 ملیۆن دانه‌ی تریش چاپ بکرێته‌وه‌ و ده‌شڵێت پێشتر تیراژی ئه‌م گۆڤاره‌ ته‌نها 60 هه‌زار دانه‌ بووه‌ و دارایی دامه‌زراوه‌که‌ش قه‌یرانی هه‌بووه‌.

له‌ میانه‌ی وتووێژه‌که‌یدا له‌گه‌ڵ به‌ڵێن ساڵح، شه‌یدا حیسامی ده‌شڵێت ئه‌م زۆر فرۆشیه‌ی گۆڤاره‌که‌ شتێکی ده‌گمه‌نه له‌ بواری ڕۆژنامه‌وانیدا‌ و هه‌روه‌ها به‌ شێوه‌یه‌ک گرنگی پێدرا که‌ ئه‌وانه‌ی له‌ ژیانیانیشدا ئه‌م گۆڤاره‌یان نه‌خوێندۆته‌وه‌ ئه‌مڕۆ به‌ په‌رۆشه‌وه‌ له‌ هه‌وڵی کڕینی گۆڤاره‌که‌دا بوون و ئاماژه‌ش به‌وه‌ ده‌کات په‌یوه‌ندی نییه‌ به‌ سه‌رله‌نوێ چاپکردنه‌وه‌ی وێنه‌ کاریکاتێریه‌کانی پێغه‌مبه‌ری موسڵمانانه‌وه‌ به‌ڵکو زیاتر په‌یوه‌ندی هه‌یه‌ به‌ بڕوای فه‌ڕه‌نساییه‌کان به‌ ئازدی ڕاده‌ربڕین و پاراستنی ئه‌و ئازادیه‌.

زانیاری زیاتر له‌ ده‌قی وتووێژه‌که‌دایه‌:

please wait

No media source currently available

0:00 0:07:16 0:00

XS
SM
MD
LG