نه‌ته‌وه‌ یه‌کگرتووه‌کان: پـتر له‌ 1200 عێراقی له‌ مانگی‌ یازده‌دا کوژراون

نه‌ته‌وه ‌یه‌کگرتووه‌کان ده‌ڵێت به‌هۆی کرده‌وه‌ی تێروریستی و توندوتیژییه‌وه‌ له‌ مانگی یازده‌دا زیاتر له‌ 1200 عێراقی کوژراون.

له‌سه‌ر بنه‌مای راپۆرتێکی تیمی یاریده‌ری نه‌ته‌وه‌ یه‌کگرتووه‌کان بۆ عێراق، 1232 عێراقی له‌ مانگی یازده‌ کوژراون و 2434 که‌سی تر برینداربوون، ئه‌م ژمارانه‌ که‌مێك له‌ ژماره‌ی قوربانیـیه‌کانی مانگی‌ پێشتر که‌مترێکه‌‌ که‌ 1273 کوژراو بوون.

به‌پـێی ڕاپـۆرته‌که‌ مه‌زه‌نده‌ ده‌کرێت له‌ پارێزگای ئه‌نبار به‌ لایه‌نی که‌م 402 که‌س کوژرابن و زۆربه‌یان له‌ شاری ڕومادی ناوه‌ندی پارێزگاکه‌ کوژراون.