Accessibility links

له‌ ئه‌نجامی ته‌قینه‌وه‌ی 5 بۆمب له‌ وێزگه‌کانی میترۆی قاهیره‌ 6 که‌س بریندارده‌بن


وه‌زاره‌تی ته‌ندروسـتی میسر ده‌ڵێت له‌ ته‌قینه‌وه‌کانی ڕۆژی چوارشه‌ممه‌ی وێزگه‌کانی میترۆی قاهیره‌ی پایته‌خت 6 که‌س برینداربوون. کاربه‌ده‌سـتانی ئاسایشی ده‌ڵێن 5 ته‌قینه‌وه‌ی بچوک بوون له‌ نێو 5 وێزگه‌دا.

له‌ وێزگه‌ی شبرا ئه‌لخه‌یمه‌ 3 که‌س برینداربوون، دووانیان به‌ره‌و نه‌خۆشـخانه‌ براون و برینداری سێـیه‌م ده‌سـتگیرکراوه‌ به‌ گومانی ئه‌نجامدانی ته‌قینه‌وه‌که‌.

سه‌رچاوه‌یه‌ک له‌ وه‌زاره‌تی ناوخۆی میسر گوتی گومانباره‌که‌ سه‌ر به‌ کۆمه‌ڵی ئیخوان ئه‌لموسلیمینی قه‌ده‌غه‌کراوه‌ و کیسێـکی پـلاسـتیکی پـێگیراوه‌ که‌ ئاسه‌واری باروتی پـێوه‌بووه‌. هه‌روه‌ها له‌ مۆبایله‌که‌ی وێنه‌ و دروشـمی ئیخوانی تێدایه‌.

له‌ ته‌قینه‌وه‌که‌ی وێزگه‌ی کوبری ئه‌لقوبه‌، یه‌ک که‌س برینداربووه‌. له‌ وێزگه‌ی به‌رده‌م دادگای میسر ئه‌لجه‌دیده‌ 2 که‌س برینداربوون. له‌ هه‌ردوو ته‌قینه‌وه‌که‌ی وێزگه‌ی غومره‌ و حلمیه‌ ئه‌لزه‌یتون که‌س پـێوه‌ نه‌بووه‌.

پـۆلیس ده‌ڵێت بۆمبه‌کان که‌ خرابوونه‌ ناو سه‌به‌ته‌ی خۆڵ و خاشاکی ناو وێزگه‌کانه‌وه‌، ده‌سـتکردی خۆماڵی بوون و به‌هێز نه‌بوون.

XS
SM
MD
LG