Accessibility links

ده‌وڵه‌تی ئیماراتی عه‌ره‌بی باڵیۆزی خۆی له‌ عێراق بانگهێشت ده‌کات


وه‌زاره‌تی ده‌ره‌وه‌ی ئیمارات ده‌ڵێت عه‌بدوڵڵا ئیبراهیم ئه‌لشحی باڵیۆزی وڵات له‌ به‌غدای بانگهێشتکردووه‌ به‌هۆی ئه‌و پـێشـهاته‌ مه‌ترسیدارانه‌ی له‌ عێراقدا که‌وتوونه‌ته‌وه‌.
ڕۆژی چوارشه‌ممه‌ له‌ به‌یانـنامه‌یه‌کدا وه‌زاره‌ته‌که‌ ئه‌مه‌ی ڕاگه‌یاند و گوتی ئیمارات زۆر نیگه‌رانه‌ له‌ باره‌ی به‌رده‌وامبوونی سیاسه‌ته‌کانی حکومه‌تی عێراق له‌ وه‌لاوه‌نان و پـشـتگوێخستن و تایفه‌گه‌رێتی له‌ به‌رامبه‌ر پـێـکهاته‌ سه‌ره‌کیـیه‌کانی خه‌ڵـکی عێراق.
ده‌ڵێت ئه‌م ڕێبازه‌ زیاتر ڕه‌وشه‌که‌ خراپـتر ده‌کات و گرژی سیاسی و نائارامی زیاده‌کات.
هه‌روه‌ها له‌ به‌یانـنامه‌که‌دا ده‌وڵه‌تی ئیمارات ده‌ڵێت به‌ توندترین ده‌سته‌واژه‌ تێرۆرسـتکاری داعش و کۆمه‌ڵه‌ تێرۆرسـته‌کانی دیکه‌ سه‌رزه‌نشـت ده‌کات.
پاشـان خه‌مخۆری ئیماراتی نیشـان دا بۆ سه‌روه‌ری و یه‌کپارچه‌یی خاکی عێراق. ده‌ڵێت ئه‌مه‌ بنه‌مایه‌کی سه‌ره‌کی نه‌ته‌وه‌ی عه‌ره‌به‌.
XS
SM
MD
LG