Accessibility links

شوان قه‌ڵادزه‌یی: بانگهێشت نه‌کردنمان بۆ کۆبوونه‌وه‌که‌ی سه‌رۆکی هه‌رێم بۆ ناو ماڵی کورد باش نییه‌


شوان قه‌ڵادزه‌یی
شوان قه‌ڵادزه‌یی
سه‌ر‌ۆکی هه‌رێمی کوردستانی عێراق له‌گه‌ڵ لایه‌نه‌ سیاسیه‌کانی هه‌رێمه‌که‌دا بێجگه‌ له‌ بزووتنه‌وه‌ی ئیسلامی کۆبۆته‌وه‌ بۆ باسکردنی ڕه‌وشی ناوخۆی هه‌رێم و هه‌روه‌هاش شێوازی به‌شداریکردن له‌ حکومه‌تی نوێی عێراقدا.

شوان قه‌ڵادزه‌یی، ئه‌ندامی په‌رله‌مانی هه‌رێمی کوردستانی عێراق له‌سه‌ر لیستی بزووتنه‌وه‌ی ئیسلامی ده‌ڵێت بزووتنه‌وه‌ی ئیسلامی ئاگادار نه‌کراوه‌ته‌وه‌ له‌و کۆبوونه‌وه‌یه‌ له‌گه‌ڵ سه‌رۆکی هه‌رێمدا و بانگهێشت نه‌کردنی بزووتنه‌وه‌ی ئیسلامی هیچ بیانویه‌ک هه‌ڵناگرێت و ده‌شڵێت بۆ کۆبوونه‌وه‌یه‌کی ئاوه‌ها نه‌ک هه‌ر ته‌نها لایه‌نه‌ سیاسیه‌کان به‌ڵکو ده‌بوایه‌ که‌سانی ئه‌کادیمیایی و که‌سایه‌تیه‌ کۆمه‌ڵایه‌تیه‌کانیش بانگهێشت کرابان.

له‌ میانه‌ی وتووێژه‌که‌یدا له‌گه‌ڵ هێرۆ زه‌نگه‌نه‌، به‌ڕێز قه‌ڵادزه‌یی ده‌ڵێت زۆر ڕێگه‌ هه‌ن بگیرێنه‌ به‌ر و ده‌شڵێت لایه‌نه‌که‌ی هه‌میشه‌ له‌گه‌ڵ ئاوه‌دانی و ئارامی و هێمنی ناو ماڵی کورددایه‌ و پێویستیشه‌ ئه‌وانه‌ی له‌سه‌ر ئاستی به‌رپرسانی هه‌رێمن هه‌مان ئه‌و زه‌مینه‌یه‌ بڕه‌خسێنن و ده‌شپرسێت ئه‌ی بۆ کاتێک دوو لایه‌نی تری ئیسلامی (یه‌کگرتووی ئیسلامی و کۆمه‌ڵی ئیسلامی) وه‌ بزووتنه‌وه‌ی گۆڕان که‌ ئۆپزسیۆن بوون پێش هه‌موو لایه‌نه‌ سیاسیه‌کانی تر بانگهێشتی هه‌موو کۆبوونه‌وه‌کان ده‌کران؟

درێژه‌ی وتووێژ له‌گه‌ڵ شوان قه‌ڵادزه‌یی: ‌
please wait

No media source currently available

0:00 0:04:35 0:00
Direct link
XS
SM
MD
LG