Accessibility links

باڵیۆزی ئوردن بۆ لیبیا ئازاد ده‌کرێت


باڵیۆزی ئوردن بۆ لیبیا ئازادکرا پاش مانگێـک له‌وه‌ی له‌ ته‌رابلوسی پایته‌خت ده‌سـتگیرکرا.
وه‌زیری ده‌ره‌وه‌ی ئوردن ناسر جه‌وده‌ ئه‌مڕۆ سێشه‌ممه‌ گوتی باڵیۆز فه‌واز عیتان ته‌ندروسـتی باشه‌ و پاش ئازادکردنه‌که‌ی گه‌ڕاوه‌ته‌ بۆ ئوردن.
هه‌تا ئاماده‌کردنی ئه‌م هه‌واڵه‌ هیچ زانیاری زیاتر له‌سه‌ر چۆنێتی ئازادکردنی ئه‌م باڵیۆزه‌ نیـیه‌.
جێی وه‌بیرهێنانه‌وه‌یه‌ له‌ 15 ی مانگی چوار ژماره‌یه‌ک چه‌کدار په‌لاماری ئۆتۆمبیلی باڵیۆز فه‌واز عیتانیان دا له‌ نزیک باڵیۆزخانه‌ی وڵاته‌که‌ی له‌ ته‌رابلوس و له‌ ئاکامدا شۆفێره‌که‌ی برینداربوو و خۆیان ڕفاند.
ڕفاندن له‌ لیبیا بووه‌ته‌ دیارده‌یه‌ک که‌ هه‌رچه‌نده‌ حکومه‌ت هه‌وڵ ده‌دات ده‌سه‌ڵاتی خۆی بسه‌پـێنێت له‌ کاتێـکدا چه‌ندان کۆمه‌ڵی چه‌کدار له‌ سه‌رانسه‌ری وڵاته‌که‌دا هه‌ن.
XS
SM
MD
LG