هێشتا ده‌ره‌نجامه‌کانی هه‌ڵبژاردن له عێراق لایه‌نی براوه‌ی پرۆسه‌که‌ی یه‌کلایی نه‌کردووه‌ته‌وه. بڕیاره کۆمسیۆنی باڵای سه‌ربه‌خۆیی هه‌ڵبژاردنه‌کان له‌م هه‌فته‌یه‌دا ئه‌نجامه سه‌ره‌تاییه‌کانی هه‌ڵبژاردنی ئه‌نجومه‌نی نوێنه‌رانی عێراق ڕابگه‌ێنێت.
به پێی پرۆسه‌ی جیاکردنه‌وه‌ی ده‌نگه‌کان له بنه‌کانی کۆمسیۆن هه‌ر لایه‌نه‌وه له ڕێگه‌ی چاودێرانییه‌وه جۆرێک له قه‌باره‌ی سیاسی خۆی بۆ ده‌رکه‌وتووه.
زانیاری زیاتر له‌م ڕاپۆرته‌ی په‌یامنێری به‌شی کوردی ده‌نگی ئه‌مه‌ریکا له به‌غدا گۆران تۆفیقدا ببیسته.
