پاش ئەوەى چەند کاربەدەستێک ڕایانگەیاند لە ڕووى ئاسایشەوە موسڵ گونجاو نیـیە بۆ بەڕێکردنى پـرۆسەى هەڵبژاردن، لیوا خالد حەمدانى سەرۆکى پـۆلیسى موسڵ لە کۆنفراسێکى رۆژنامەوانى ئەو هەواڵانەى ڕەتکردەوە و ڕایگەیاند لە هەموو ڕوویەکەوە شارەکە ئامادەیە و ڕێوشوێنى ئاسایشى گونجاویان گرتۆتە بەر و لە ئێستادا هیچ گرفتێک لە بەردەمیان نیـیە. ئاماژەى بەوەش کرد کۆمیتەى باڵاى ئاسایش پلانى ئەمنى داڕشتووە بۆ ماوەى بانگەشەى هەڵبژاردن و ههتا ڕۆژى هەڵبژاردن داواشى لە پـیاوانى هۆزەکان کرد کەوا هاوکارى هێزەکانیان بکەن بۆ ڕووبەرووبونەوەى تیرۆر.