Accessibility links

سه‌رۆکی تورکیا ده‌ڵێت به‌ نیاز نیـیه‌ له‌گه‌ڵ سه‌رۆک وه‌زیر پـۆسته‌کانیان ئاڵوگۆڕبکه‌ن


سه‌رۆکی تورکیا عه‌بدوڵڵا گول ئاماژه‌ی به‌وه‌ کرد که‌ نایه‌وێت له‌گه‌ڵ سه‌رۆک وه‌زیر ڕه‌جه‌ب ته‌یب ئه‌ردۆغان ئاڵوگۆڕی پـۆسته‌کانیان بکه‌ن، کاتێـک ئه‌مسـاڵ ماوه‌ی گه‌ڕی سه‌رۆکایه‌تیـیه‌که‌ی ته‌واو ده‌بێت.
عه‌بدوڵڵا گول ڕۆژی هه‌ینی گوتی له‌گه‌ڵ ئه‌وه‌دا نیـیه‌ له‌ تورکیا به‌ هاوشێوه‌ی ڕووسیا بکرێت و سه‌رۆک و سه‌رۆک وه‌زیر پـۆسته‌کانیان ئاڵوگۆڕبکه‌ن و هه‌ر یه‌که‌یان له‌ سێبه‌ری ئه‌وی دیکه‌دا حوکمڕانی بکات.
گول گوتیشی لاری نیـیه‌ له‌وه‌ی ئه‌ردۆغان خۆی بۆ هه‌ڵبژاردنه‌کانی سه‌رۆکایه‌تی کاندید بکات که‌ بڕیاره‌ له‌ مانگی هه‌شت به‌ڕێوه‌بچێت.
ئه‌ردۆغان هێشـتا بڕیاری نه‌داوه‌ ئایا خۆی بۆ سه‌رۆکایه‌تی کاندید ده‌کات یان نا. ئه‌و ده‌ڵێت سه‌رۆکایه‌تی به‌ ده‌سه‌ڵاتی زیاتر ده‌وێت.
جێی ئاماژه‌یه‌ به‌پـێی ده‌سـتوری ئێسـتای تورکیا سه‌رۆکی وڵات زیاتر پـۆستێـکی سمبوڵیـیه‌ که‌ هه‌رچه‌نده‌ دامه‌زراندنی سه‌رۆک وه‌زیر له‌ ده‌سـتیدایه‌.
XS
SM
MD
LG