Accessibility links

تورکیا وا له‌ هه‌وڵی بلۆککردنی یوتیوبدایه‌


ئاژانسی ده‌نگ‌وباسی فه‌رمی تورکیا ده‌ڵێت ده‌سه‌ڵاتدارانی وڵاته‌که‌ی له‌وه‌دان ماڵپه‌ڕی یوتیوب له‌ تورکیا بلۆک بکه‌ن، ئه‌مه‌ش دوابه‌دوای هه‌نگاوێـکی هاوشێوه‌ له‌ دژی تویته‌ر.
ئه‌م بڕیاری بلۆککردنه‌ پاش ئه‌وه‌ هات که‌ تۆمارکراوێـکی ده‌نگی له‌سه‌ر یوتیوب بڵاوکرایه‌وه‌ و وه‌ک ده‌ڵێن ده‌نگی کۆبوونه‌وه‌یه‌که‌ سـازکراوه‌ له‌ نێوان وه‌زیری ده‌ره‌وه‌ی تورکیا و سه‌رۆکی موخابه‌رات و گه‌وره‌ فه‌رمانده‌ی له‌شـکر و کاربه‌ده‌سـتێـکی وه‌زاره‌تی ده‌ره‌وه‌. ده‌ڵێن ئه‌م چوار کاربه‌ده‌سـته‌‌ تیایدا باسیان له‌ ده‌سـتێوه‌ردانێـکی له‌شـکری له‌ سوریا کردووه‌.
هه‌وڵی بـلۆککردنی تویته‌ریش پاش ئه‌وه‌ بوو که‌ نووسراو سه‌باره‌ت به‌ گه‌نده‌ڵی له‌ نێو حکومه‌تی تورکیا تیادا بڵاوکرایه‌وه‌، ئه‌مه‌ش بووه‌ مایه‌ی گرفت بۆ سه‌رۆک وه‌زیر ڕه‌جه‌ب ته‌یب ئه‌ردۆغان به‌ر له‌ هه‌ڵبژاردنه‌کانی خۆجێی که‌ بڕیاره‌ له‌ 30 ی مانگی سێدا سـازبکرێت.
XS
SM
MD
LG