Accessibility links

نه‌ته‌وه‌ یه‌کگرتووه‌کان ده‌ڵێت ئێران بڕی یۆرانیۆمی زۆر پـیتێنراوی خۆی که‌م کردووه‌ته‌وه‌


سه‌رۆکی ئاژانسی ناوه‌کی سه‌ر به‌ نه‌ته‌وه‌ یه‌کگرتووه‌کان ده‌ڵێت ئێران بڕی یۆرانیۆمه‌ زۆر پـیتێنراوه‌که‌ی خۆی که‌مکردووه‌ته‌وه‌، ئه‌وه‌ی هه‌تا ڕاده‌یه‌ک نزیکه‌ له‌ ئاسـتی پـێویست بۆ دروسـتکردنی چه‌کی ئه‌تۆمی.
به‌پـێی ئه‌و ڕێـکه‌وتنه‌ شه‌ش مانگیـیه‌ی ئێران له‌گه‌ڵ زلهێزانی جیهاندا، ده‌بێت ئێران نیوه‌ی ئه‌و بڕه‌ یۆرانیۆمه‌ی خۆی که‌م بکاته‌وه‌ که‌وا هه‌تا ئاسـتی 20% پـیتێنراوه‌. یووکیا ئه‌مانۆ ڕۆژی دووشه‌ممه‌ به‌ ده‌سـته‌ی ئاژانسه‌ 35 وڵات ئه‌ندامه‌که‌ی گوت که‌وا ئه‌و پـرۆسه‌یه‌ گه‌یشـتووه‌ته‌ نیوه‌ی.
نیوه‌که‌ی دیکه‌ی یۆرانیۆمه‌که‌ ئاڵوگۆڕی به‌سه‌ردا ده‌کرێت به‌ شێوه‌یه‌ک که‌ سه‌خت بێت جارێـکی دیکه‌ بپـیتێنرێته‌وه‌ بۆ ئاسـتی 20%.
پـیتاندنی یۆرانیۆم بۆ ئاسـتی 20% وه‌ها ده‌کات یه‌ک قۆناغی دیکه‌ی بمێنێته‌وه‌ بۆ ئه‌وه‌ی بگه‌یه‌نرێته‌ 90% ، واته‌ ئه‌و ئاسـته‌ی بۆ دروسـتکردنی چه‌کی ناوکی پـێویسته‌.
XS
SM
MD
LG