Accessibility links

له‌ عێراق 9 که‌س ده‌کوژرێن


کاربه‌ده‌سـتانی عێراق ده‌ڵێن له‌ ئاکامی چه‌ند هێرشێـک له‌ وڵاته‌که‌ که‌ زۆربه‌یان دژی هێزه‌کانی ئاسایش کراون، 9 که‌س کوژراون.
سه‌رچاویه‌کی پـۆلیس گوتی خوێناویترین هێرشی ڕۆژی سێشه‌ممه‌ له‌ ئێواره‌دا ڕوویدا، کاتێـک خۆکوژێـک ئۆتۆمبیلێـکی پـڕ ته‌قه‌مه‌نی به‌ خاڵێـکی پـشـکنینی پـۆلیسـدا ته‌قاندووه‌ته‌وه‌ له‌ نزیک شـاری فه‌لـلوجه‌ی ڕۆژئاوای وڵاته‌که‌، 4 پـۆلیس کوژراون و 7 ی دیکه‌ برینداربوون.
چه‌ند کاژمێرێـک پـێشـتر بۆمبێـکی لاڕێ له‌ نزیک شـاری موسڵ به‌ ماشێنێـکدا ته‌قیوه‌ته‌وه‌ و بووه‌ته‌ مایه‌ی کوژرانی 2 سه‌رباز.
هه‌ر له‌ شه‌ودا بۆمبێـک له‌ شه‌قامێـکی بازرگانی ناوچه‌ی جیهادی ڕۆژئاوای به‌غدا ته‌قیوه‌ته‌وه‌ و 2 که‌س کوژراون. له‌ باکوری شـاره‌که‌ش ته‌قه‌ له‌ پـۆلیسێـک کراوه‌ و کوژراوه‌.
XS
SM
MD
LG