Accessibility links

له‌ سێـیه‌م ڕۆژی جه‌ژندا 9 ئۆتۆمبیلی بۆمبڕێژکراو له‌ به‌غدا ده‌ته‌قنه‌وه‌


کاربه‌ده‌سـتانی عێراق ده‌ڵێن پاش نیوه‌ڕۆی پـێنجه‌شممه‌ و له‌ سێـیه‌م ڕۆژی جه‌ژنی قورباندا 9 ئۆتۆمبیلی بۆمبڕێژکراو له‌ چه‌ند ناوچه‌یه‌کی به‌غدای پایته‌خت ته‌قیونه‌ته‌وه‌ و له‌ ئاکامدا به‌ ده‌یان که‌س کوژراون و برینداربوون.
ته‌قینه‌وه‌کان له‌و ده‌مه‌دا بوون‌ که‌ خه‌ڵکی ده‌هاتنه‌ ده‌رێ تاوه‌کو به‌ره‌و باخچه‌کان و ڕێسـتورانت و شوێنه‌ گشـتیـیه‌کان بڕۆن. زۆربه‌ی ته‌قینه‌وه‌کان له‌ ناوچه‌کانی زۆرینه‌ شیعه‌ بوون، له‌وانه‌ ته‌قینه‌وه‌ی 2 ئۆتۆمبیل له‌ ناوچه‌ی ئه‌لحوسه‌ینیـیه‌ی باکوری به‌غدا، له‌ ئاکامدا 11 که‌س کوژران و 22 که‌سیش برینداربوون.
گه‌ڕه‌کی به‌غداد ئه‌لجه‌دیده‌ له‌ باشوری ڕۆژهه‌ڵاتی پایته‌خت، ئۆتۆمبیلێـکی دیکه‌ ته‌قیوه‌ته‌وه‌ و له‌وێش 4 که‌س کوژراون و 12 که‌سی دیکه‌ برینداربوون.
ناوچه‌ی سه‌در، ئۆتۆمبیلێـک له‌ شوێنی یاری منداڵاندا ته‌قیوه‌ته‌وه‌ و بووه‌ته‌ مایه‌ی کوژرانی 5 که‌س که‌ دووانیان منداڵ بوون، هه‌روه‌ها 16 که‌سیش برینداربوون.
گه‌ڕه‌کی گرێعاتی باکوری ڕۆژهه‌ڵاتی به‌غدا، ئۆتۆمبیلێـک ته‌قیوه‌ته‌وه‌ و له‌ ئاکامدا 7 که‌س کوژراون و 14 که‌سیش برینداربوون.
گه‌ڕه‌کی دۆره‌ی باشوری شـاره‌که‌، خۆکوژێـک به‌ ئۆتۆمبیلێـکی بۆمبڕێژکراوه‌وه‌ خۆی داوه‌ به‌ خاڵێـکی پـشـکنینی پـۆلیسدا، 5 که‌س کوژراون که‌ سیانیان پـۆلیس بوون و هه‌روه‌ها 9 که‌سیش برینداربوون.
گه‌ڕه‌کی گه‌راج ئه‌لئه‌مانه‌، 2 ئۆتۆمبیل له‌ نزیک بازاڕێـکدا ته‌قینه‌وه‌، 8 که‌س کوژران و 15 برینداربوون.
گه‌ڕه‌کی شوڕته‌ی زۆرینه‌ سوونه‌، له‌ شه‌قامێـکی بازرگانی ناوچه‌که‌ ئۆتۆمبیلێـک ته‌قیوه‌ته‌وه،‌ 3 که‌س کوژراون و 12 که‌س برینداربوون.
XS
SM
MD
LG