پاش ته‌قینه‌وه‌کانی چه‌ند ڕۆژی ڕابردوو له‌ بورما دوو بۆمب ده‌دۆزرێنه‌وه‌ و پـوچه‌ڵ ده‌کرێن

پـۆلیس له‌ بورما ده‌ڵێت به‌ لانی که‌م 2 بۆمبیان دۆزیوه‌ته‌وه‌ له‌ پاش چه‌ند ته‌قینه‌وه‌یه‌ک که‌ بووبوونه‌ مایه‌ی کوژرانی 2 که‌س و برینداربوونی چه‌ند که‌سێـک‌ له‌ ماوه‌ی چه‌ند ڕۆژی ڕابردوودا.
ده‌سه‌ڵاتداران ده‌ڵێن یه‌ک له‌ بۆمبه‌کان ڕۆژی دووشه‌ممه‌ له‌ ماندالای دۆزراوه‌ته‌وه‌ و بۆمبه‌که‌ی تر له‌ ڕانگۆن.
ڕۆژی هه‌ینی 2 که‌س کوژران کاتێـک بۆمبێـک له‌ شوێنێـکی حه‌وانه‌وه‌ له‌ شـارۆچکه‌ی تاونگۆ ته‌قیـیه‌وه‌ که‌ نزیکه‌ی 200 کیلۆمه‌تر له‌ باکوری ڕانگۆنه‌وه‌ دوره‌. ڕۆژی یه‌کشه‌ممه‌ش 2 بۆمب له‌ ڕانگۆن ته‌قینه‌وه‌ و بوونه‌ هۆی برینداربوونی چه‌ند که‌سێـک.
گوته‌بێژی پـۆلیسی ڕانگۆن گوتی ئه‌و دوو بۆمبه‌ی ڕۆژی دووشه‌ممه‌ دۆزراونه‌ته‌وه‌ هه‌ردووکیان به‌ سه‌رکه‌وتویی پـوچه‌ڵ کراونه‌ته‌وه‌.