Accessibility links

کۆمه‌ڵێـک چه‌کدار هێرش ده‌که‌نه‌ سه‌ر باڵیۆزخانه‌ی ڕووسیا له‌ لیبیا


وه‌زاره‌تی ده‌ره‌وه‌ی ڕووسیا ده‌ڵێت باڵیۆزخانه‌ی وڵاته‌که‌ی له‌ ته‌رابلوسی پایته‌ختی لیبیا هێرشی چه‌کداری کراوه‌ته‌ سه‌ر، به‌ڵام هێچ کام له‌ دیپـلۆماته‌کانی زیانیان پـێنه‌که‌وتووه‌.
ئه‌لێگزانده‌ر لۆکاشفیچ گوته‌بێژی وه‌زاره‌تی ده‌ره‌وه‌ی ڕووسیا ئه‌م هه‌واڵه‌ی له‌ ڕێـگه‌ی ته‌له‌فیزیۆنی فه‌رمی ڕووسیاوه‌ ڕاگه‌یاند و گوتی کۆمه‌ڵێـک چه‌کدار به‌ ته‌قه‌کردنه‌وه‌ هه‌وڵیان دابوو بچنه‌ ناو کۆمه‌ڵه‌ بینای باڵیۆزخانه‌که‌ و به‌پـێی زانیاریـیه‌ سه‌ره‌تایـیه‌کان دیـپـلۆماته ڕووسیـیه‌کان بێ زیانن.
ئاژانسی ده‌نگ‌وباسی ئیته‌رتاسی ڕووسیا ده‌ڵێت به‌ پـێی هه‌ندێـک سه‌رچاوه‌ چه‌کداره‌کان جگه‌ له‌وه‌ی ته‌قه‌یان له‌ باڵیۆزخانه‌که‌ کردووه‌، ئاڵای ڕووسیاشیان له‌سه‌ری داگرتووه‌. ده‌شڵێت له‌ ئێسـتادا ڕه‌وشه‌که‌ له‌ ده‌وروبه‌ری باڵیۆزخانه‌که‌ ئارامه‌.
XS
SM
MD
LG