Accessibility links

دادگایه‌کی میسر بڕیاری ڕاگرتنی به‌رنامه‌کانی 4 که‌ناڵی ته‌له‌فیزیۆنی له‌ وڵاتدا ده‌دات


دادگایه‌کی میسر بڕیاری دا به‌رنامه‌کانی 4 که‌ناڵی ته‌له‌فیزیۆنی له‌ وڵاته‌که‌ ڕابگرن به‌ تاوانی بڵاوکردنه‌وه‌ی هه‌واڵی نادوروست و دروسـتکردنی هه‌ڕه‌شه‌ بۆ سه‌ر ئارامی کۆمه‌ڵـگه‌ و نانه‌وه‌ی ئاژاوه‌ له‌ نێوان هاوڵاتیاندا و دروسـتکردنی ترس و دڵه‌ڕاوکێ له‌ نێو وڵاته‌که‌دا.
که‌ناڵه‌کان بریتین له‌ "ئه‌لجه‌زیر موباشر – میسر" ی قه‌ته‌ری و که‌ناڵی ئه‌حرار 25 ی کۆمه‌ڵی ئیخوان ئه‌لموسلیمینی میسر و که‌ناڵی ئه‌لیه‌رموکی ئیخوانه‌کانی ئوردن و که‌ناڵی ئه‌لقودسی بزوتنه‌ی حه‌ماسی فه‌ڵه‌سـتینی.
هه‌فته‌ی ڕابردوو سێ وه‌زاره‌تی حکومه‌تی کاتی میسر له‌ به‌یانـنامه‌یه‌کی هاوبه‌شـدا ڕایگه‌یاند هه‌واڵی نادوروستی که‌ناڵه‌کان هه‌ڕه‌شه‌یه‌که‌ بۆ سه‌ر ئاسایشی نیشـتیمانی و هه‌روه‌ها توڕه‌یی له‌ نێو خه‌ڵـکدا دروسـتده‌کات.
XS
SM
MD
LG