شوان حه‌مه‌: به‌پێی زانیاریه‌ ڕۆژنامه‌وانیه‌کان ئه‌مریکا داوای کۆبوونه‌وه‌ی داودئۆغڵو وه‌ موسلیمی کردووه‌

سه‌ردانه‌که‌ی هاو سه‌رۆکی په‌یه‌ده‌ بۆ وڵاتی تورکیا و کۆبوونه‌وه‌کانی له‌گه‌ڵ گه‌وره‌ کاربه‌ده‌ستانی ئه‌و وڵاته‌دا وه‌ک چاودێر ده‌ڵێن ده‌شێت گۆڕانێک له‌ هه‌ڵوێستی تورکیادا به‌ دوای خۆیدا بێنێت له‌ به‌رامبه‌ر کوردی سوریادا.

نوسه‌ر و ڕۆژنامه‌وان شوان حه‌مه‌ ده‌ڵێت ئه‌و دیداره‌ی هاوسه‌رۆکی په‌یه‌ده‌ ده‌کرێت ئه‌و خوێندنه‌وه‌یه‌ی بۆ بکرێت که‌ ئانکه‌ره‌ له‌وانه‌یه‌ گه‌یشتبێته‌ ئه‌و بڕوایه‌ی دانوستاندن باشترین بژاره‌ بێت بۆ سه‌ر و سه‌ودا کردن له‌گه‌ڵ دۆسێکانی په‌یوه‌ندییان به‌ ڕه‌وشی کورده‌وه‌ هه‌یه‌ له‌ سوریادا.

له‌ میانه‌ی وتووێژه‌که‌یدا له‌گه‌ڵ به‌ڵێن ساڵح، به‌ڕێز حه‌مه‌ ده‌شڵێت پارتی کرێکارانی کوردستان ڕۆڵی هه‌بووه‌ له‌و دیداره‌ی هاوسه‌رۆکی په‌یه‌ده‌ و گه‌وره‌ کاربه‌ده‌ستانی تورکیادا و ده‌شڵێت به‌ دووری نازانێت هه‌ر ئه‌و کۆبوونه‌وانه‌ ببنه‌ مایه‌ی یارمه‌تیدا له‌ یه‌کخستنی هه‌ڵوێسته‌کانی لایه‌نه‌ سیاسیه‌ کوردیه‌کانی سوریادا.

زانیاری زیاتر له‌ ده‌قی وتووێژه‌که‌دایه‌: